Menningar- og ferðamálaráð #29

Rædd var aðstaða ferðamanna skemmtiferðaskipa sem koma á Patreksfjörð. Ráðið bendir á að upplýsingar um salernisaðstöðu megi finna í upplýsingabæklingi sem dreift er til ferðafólksins og lagt til að þær verði gerðar enn sýnilegri. Ráðið felur menningar- og ferðamálafulltrúa að boða viðeigandi ferðaþjónustuaðila til frekari umræðna.

Lagður var fram samningur Vesturbyggðar og Westfjords Adventures um rekstur tjaldsvæðisins á Patreksfirði 2023.

Lögð var fram niðurstaða stjórnar Barnamenningarsjóðs Íslands um umsókn Vesturbyggðar fyrir verkefninu Skrímslastopp í Arnarfirði en umsókninni var hafnað. Ráðið lýsir yfir vonbrigðum með ákvörðun stjórnarinnar og felur menningar- og ferðamálafulltrúa að sækja um í Uppbyggingarsjóð Vestfjarða fyrir verkefninu.

Ræddar voru mögulegar umsóknir Vesturbyggðar í Framkvæmdasjóð ferðamannastaða árið 2023.

Ráðið lýsir yfir áhyggjum af ástandi fjölfarinna vega sem liggja að ferðamannaperlum í sveitarfélaginu, sérstaklega að Látrabjargi. Það hvetur Vegagerðina til að bæta úr ástandi veganna og hefja heflun fyrr að vori.