Samráðsnefnd Vesturbyggðar og Tálknafjarðarhrepps #45

Friðbjörg Matthíasdóttir kosinn formaður.
Magnús Jónsson kosinn varaformaður.

Stjórn MEÓ skipa:
Friðbjörg Matthíasdóttir
Magnús Jónsson
Ásgeir Jónsson
Indriði Indriðason
Ásgeir Sveinsson
Egill Ólafsson

Inga Hlín safnvörður fór yfir verkefni MEÓ og næstu skref.
Talsverð fjölgun hefur verið á gestum á safninu frá fyrra sumri.
Sumardagskrá safnsins hefur verið send út í öll hús á sunnanverðum Vestfjörðum.

Lögð fram kostnaðaráætlun fyrir viðgerðir á safnahúsnæðinu frá Tv-Verk ehf.
Samtals 1406 þúsund krónur. Stjórn samþykkir að taka framkomnu tilboði.
Stjórn samþykkir að leita tilboða í dren og nýjar hurðar á safnahúsinu.

Lagt fram tilboð í eftirlitsmyndavélakerfi fyrir safnið, kr. 65 þúsund. Samþykkt að kaupa kerfið.

Lögð fram ósk frá erfingjum fyrrum eigenda Willis jeppa sem færður var safninu (hinn svokallaði Sveinseyrarjeppi)að erfingjarnir fái jeppann aftur til uppgerðar. Stjórn samþykkir erindið fyrir sitt leyti með fyrirvara um samþykki fulltrúa erfingja í stjórninni. Forstöðumaður upplýsti að áhugi væri fyrir því að jeppinn verði til sýnis hluta úr sumri á safninu þegar viðgerð lýkur.

Safnvörður fór yfir stöðu fjármála MEÓ og er hún almennt góð, en sveitarfélögin Vesturbyggð og Tálknafjarðarhreppur lögðu til aukið rekstrarfé fyrir safnið fyrir árið 2016.

Fulltrúi Tálknafjarðarhrepps í sameiginlegri svæðisskipulagsnefnd Vesturbyggðar og Tálknafjarðarhrepps er Lilja Magnúsdóttir. Vesturbyggð á eftir að skipa tvo fulltrúa í nefndina.
Ennfremur var rætt um að halda sameiginlegt íbúaþing sveitarfélaganna vegna undirbúnings fyrir aðalskipulagsvinnu sveitarfélaganna.