Samráðsnefnd Vesturbyggðar og Tálknafjarðarhrepps #47

Lilja Sigurðardóttir formaður HHF, Páll Vilhjálmsson framkvæmdastjóri HHF og Kristrún Guðjónsdóttir gjaldkeri HHF, sátu fundinn undir þessum lið. Rætt um samstarfssamning HHF, Vesturbyggðar og Tálknafjarðarhrepps. Aðilar eru sammála um að verið er að vinna afar mikilvægt starf en setjast þarf betur yfir rekstrarforsendur. Ákveðið að funda aftur í febrúarmánuði.

Forstöðumaður minjasafnsins fór yfir rekstur liðins árs og áherslurnar á komandi mánuðum í framkvæmdum og starfsemi. Aukning hefur verið í viðkomum ferðafólks á safninu og lítur forstöðumaður björtum augum til sumarsins. Forstöðumanni falið að leggja fram endurskoðaða fjárhagsáætlun og starfsáætlun fyrir 2017 á næsta fundi.

Gerður Björk Sveinsdóttir kynnti endurskoðaða ferðaáætlun.

Gerður Björk Sveinsdóttir er tilnefnd sem sameiginlegur fulltrúi Vesturbyggðar og Tálknafjarðarhrepps í svæðisráð fyrir Vestfirði.

Formaður kynnti afstöðu Vesturbyggðar um að leggja ekki til viðbótarframlag á árinu til Markaðsstofu Vestfjarða.

Formaður kynnti málefni styrktarsjóðs heilbrigðisstofnunar V-Barð. og að til stæði að setja íbúð sjóðsins á Aðalstræti 90 í sölu. Söluandvirði verði ráðstafað til tækjakaupa fyrir heilbrigðisstofnunina á Patreksfirði.