Skipulags og umhverfisráð #30

Lagt fram bréf frá Sýslumanninum á Vestfjörðum með ósk um umsögn um útgáfu gistileyfis fyrir Svörtuloft ehf. að Aðalstræti 31, 450 Patreksfirði, kt.411015-1060, dags. 07.12.2016. Sótt er um leyfi fyrir gististað í flokki III, fyrir allt að 30 gesti.

Skipulags- og umhverfisráð gerir ekki athugasemdir við útgáfu gistileyfis enda sé húsið í samræmi við samþykkta uppdrætti.

Erindi frá Einari Sveini f.h. Íslenska Kalkþörungafélagsins. Í erindinu er leitað samþykkis Vesturbyggðar sem aðliggjandi lóðarhafa að Strandgötu 2 fyrir girðingu sem félagið hyggst reisa á lóðarmörkum.

Skipulags- og umhverfisráð bendir á að í skilmálum gildandi deiliskipulagi hafnarsvæðis á Bíldudal skuli gert ráð fyrir 2,0m breiðri gangstétt innan lóðarmarka Strandgötu 2 er snýr að Strandgötu.

Skipulags- og umhverfisráð beinir erindinu áfram til hafnarstjórnar Vesturbyggðar.

Erindi frá Einherja ehf. Í erindinu er sótt um byggingarleyfi fyrir gluggaskiptum að Strandgötu 13, og þeir færðir til upprunalegs horfs. Erindinu fylgja uppdrættir.

Skipulags- og umhverfisráð samþykkir erindið og felur byggingarfulltrúa útgáfu byggingarleyfis.

Erindi frá Jóhannesi Héðinssyni og Sonju Ísafold eigendum Engja 1, Patreksfirði. Í erindinu er sótt um lóð undir eignirnar, en enginn lóðaleigusamningur er í gildi.

Skipulags- og umhverfisráð beinir því til Bæjarstjórnar Vesturbyggðar að samþykkja útleigu lóðar undir eignirnar.

Guðmundur V. Magnússon vék af fundi undir afgreiðslu málsins.

Erindi frá Jóni G. Magnússyni f.h. Búbíl ehf vegna Dalbrautar 1, Bíldudal. Í erindinu er sótt um byggingarleyfi fyrir breytingum á innra fyrirkomulagi sem og útliti hússins.
Gert er ráð fyrir tveimur gistiherbergjum í kjallara með útgangi í SA, einnig verði útbúin aðstaða fyrir starfsmenn og þvott. Á 1.hæð verði matsalur færður í NA helming hússins og þremur gistiherbergjum er bætt í NA hluta hæðarinnar, þar af eitt útbúið fyrir hreyfihamlaða. Á 2.hæð er einu herbergi bætt við og annað fær sér baðherbergi.
Helstu útlitsbreytingar eru á suðaustur hlið hússins þar sem gluggar fyrir ný herbergi bætast við og inngangshurðir við kjallara. Glugga á 2.hæð SV verður lokað. Einnig er gert ráð fyrir því að húsið verði klætt og einangrað að utan. 1. og 2. hæð klædd með standandi báru málmklæðningu og kjallari klæddur með múrkerfi. Erindinu fylgir byggingarlýsing, afstöðumynd, grunnmynd, útlitsteikningar unnið af hugsjón, dags. 12.01.2017 sem og greinagerð um val og hönnun brunavarna, unnin af Eflu verkfræðistofu, dags 12.01.2017.

Skipulags- og umhverfisráð samþykkir erindið með fyrirvara um grenndarkynningu og felur byggingarfulltrúa útgáfu byggingarleyfis að henni undangenginni.