Fólk með fötlun
Sveitarfélagið vinnur að því að fólki með fötlun sé tryggð sambærileg lífskjör og jafnrétti á við aðra þjóðfélagsþegna. Sveitarfélagið sér um þjónustu við fólk með fötlun samkvæmt þjónustusamningi við Byggðasamlag Vestfjarða um málefni fatlaðs fólk og er þjónustan margvísleg og hefur ávallt að markmiði að fólki með fötlun séu sköpuð skilyrði til að lifa sem eðlilegustu lífi miðað við getu hvers og eins.
Fólk með fötlun á rétt á almennri þjónustu og aðstoð samkvæmt lögum um félagsþjónustu sveitarfélaga og skal þeim veitt þjónusta á almennum stofnunum eftir því sem unnt er og við á. Að öðru leyti fer þjónusta um málefni þeirra eftir lögum um málefni fatlaðra.