Hoppa yfir valmynd

Kirkjur

Átta kirkjur eru í Vestubyggð auk tveggja í Tálknafirði. Margar þeirra eru merkileg hús, sumar allt frá miðri 19. öld og tvær meðal elstu steinsteyptu kirkna landsins. Í dag þjónar einn prestur Patreksfjarðarprestakalli sem nær yfir Vesturbyggð og Tálknafjörð.

Patreksfjarðarkirkja

Kirkjan á Patreksfirði var víðgð 1907 og er ein elsta steinsteypta kirkja landsins. Á predikunarstól kirkjunnar er mynd eftir Erró frá 1957.

Bíldudalskirkja

Kirkjan á Bíldudal er teiknuð af Rögnvaldi Á. Ólafssyni og var vígð 1906. Í henni er predikunarstjóll frá 1699.

Sauðlauksdalskirkja

Kirkjan í Sauðlauksdal er frá 1863 en þar hefur staðið kirkja frá því á 16. öld. Í kirkjunni sem er afar falleg er messað 5–6 sinnum á ári.

Saurbæjarkirkja

Kirkjan sem nú stendur í Saurbæ á Rauðasandi á sér merkilega sögu og hefur í raun komið víða við. En í Saurbæ hefur staðið guðshús frá því fyrir miðja 17. öld.

Selárdalskirkja

Kirkjan í Selárdal við Arnarfjörð er frá 1861. Kirkja og prestsetur hefur verið á staðnum lengst af en árið 1907 var kirkjan sett undir þáverandi Bíldudalsprestakall.

Aðrar kirkjur

Tíu kirkjur eru í Vesturbyggð og Tálknafirði, margar hverjar sögulegar byggingar sem geyma enn merkari sögu mannlífs á Íslandi.