Atvinnu og menningarráð #11

Vegna úthlutunar á byggðakvóta til Patreksfjarðar, Bíldudals og Brjánslækjar leggur Atvinnu- og menningarráð Vesturbyggðar til að farið verði eftir fyrirmynd að almennum reglum sem gilda um úthlutun byggðakvóta til fiskiskipa í sveitarfélaginu fiskveiðiárið 2016/2017. En þó með þeirri undantekningu að gert verði ráð fyrir að afli verði unninn innan sveitarfélagsins í stað byggðalags þar sem við á.

Samkvæmt ákvörðun Atvinnuvega- og nýsköpunarráðuneytis er byggðakvóti á landsvísu skertur um 21%. Samtals byggðakvóti Vesturbyggðar fyrir fiskveiðiárið 2016/2017 er 164 þorskígildistonn sem er skerðing um 73 tonn frá fyrra ári. Atvinnu- og menningarráð Vesturbyggðar mótmælir skerðingunni harðlega og lýsir yfir miklum vonbrigðum með niðurstöðuna.

Styrkbeiðni frá Hauki Má Sigurðssyni lögð fram. Atvinnu- og menningarráð telur verkefnið verðugt og leggur til að það fái viðeigandi stuðning. Ráðið tekur því vel í erindið og vísar því áfram til fjárhagsáætlunarvinnu.

Fyrirhugað er að halda málþing á Patreksfirði í janúar 2017 í tilefni 100 ára afmælis Jóns úr Vör. Stofnaður hefur verið verkefnahópur um verkefnið sem samanstendur af fulltrúm frá Vesturbyggð, Sögufélagi Barðastrandasýslu og Rithöfundasamandi Íslands. Af sama tilefni stendur til að vígja hluta af verki sem verið hefur í vinnslu hjá Hauki Má Sigurðssyni þar sem ljóð Jóns úr Vör verða í hávegum höfð.

Lagt fram til kynningar.