Bæjarráð #653

Fundargerð bæjarráðs nr. 652 lögð fram til kynningar.

Lilja Magnúsdóttir frá Matís á sunnanverðum Vestfjörðum kom inn á fundinn og kynnti umsókn Matís um beiðni um afnot af landi austan við Þúfneyri fyrir aðstöðu rannsóknarkvía Matís. Bæjarráð samþykkir erindi Matís og felur bæjarstjóra að útfæra frekari staðsetningu innan Þúfneyri í samráði við Matís og byggingarfulltrúa.

Lagt fram bréf frá Ofanflóðasjóði þar sem ósk um frumathugunum vegna ofanflólða í Litla-Dal á Patreksfirði er samþykkt.

Lagt fram bréf frá Kvenfélaginu Sif þar sem óskað er eftir styrk vegna kvöldverðar á aðalfundi Sambands vestfirskra kvenna.
Bæjarráð samþykkir 100 þúsund króna styrk til Kvenfélagsins Sifjar vegna aðalfundar Sambands vestfirskra kvenna.

Lagt fram bréf frá Umhverfisráðuneyti þar sem ósk Vesturbyggðar um undanþágu frá starfsleyfi til eins árs fyrir til urðunarstaðinn í Vatneyrarhlíðum er hafnað þrátt fyrir að Heilbrigðiseftirlit Vestfjarða hafi ekki gert athugasemd við ósk Vesturbyggðar um undanþáguna. Vesturbyggð óskaði eftir undanþágu í maí sl frá starfsleyfi til eins árs meðan deiliskipulagsvinna og framhaldsvinna við starfsleyfið væri unnin þar sem ekki hefði verið gert ráð fyrir deiliskipulagsvinnunn í fjárhagsáætlun 2012. Starfsleyfið rennur út í desember 2012 og hefur tæknideild Vesturbyggðar unnið í samráði við Umhverfisstofnun þau gögn sem fylgja eiga umsókn um starfsleyfið. Bæjarráð samþykkir að unnið verði deiliskipulag fyrir urðunarsvæðið í Vatneyrarhlíðum.

Lagt fram erindi frá Fjórðungssambandi Vestfjarða þar sem óskað er eftir 300 þúsund króna framlagi til lokaáfanga gerðar nýtingaráætlunar fyrir Arnarfjörð.
Erindið samþykkt.

Lagt fram bréf frá Ólafi H. Magnússyni fh. landeigenda á Krossi á Barðaströnd þar sem óskað er eftir viðræðum um nýjan samning milli landeigenda og sveitarfélagsins til hagnýtingar vatns í landi jarðarinnar Kross.

Bæjarstjóra falið að afla frekari gagna og leggja fyrir næsta fund.

Lagt fram bréf frá undirbúningshópi um stofnun Samtaka sjávarútvegssveitarfélaga. Bæjarráð Vesturbyggðar samþykkir að gerast stofnaðili að Samtökum sjávarútvegssveitarfélaga.

Lögð fram til kynningar dagskrá Fjármálaráðstefnu sveitarfélaga 2012 sem haldin verður 27.-28. september í Hörpu.

Lagt fram minnisblað frá bæjarstjóra vegna samvinnu HSP og Vesturbyggðar í öldrunarmálum. Bæjarstjóra falið að óska eftir fundi með forsvarsmönnum HSP.

Lögð fram auglýsing vegna umsóknar um byggðakvóta fiskveiðiársins 2012-2013. Umsóknarfrestur er til 28. september 2012. Bæjarstjóra falið að sækja um byggðakvóta fyrir sveitarfélagið Vesturbyggð.