Bæjarráð #757

Lögð fram fundargerð frá 3. febrúar sl. frá opnun tilboða í útboðsverkið "Gatnagerð í Aðalstræti á Patreksfirði." Alls bárust fimm tilboð í verkið. Tilboðsupphæðir eftir yfirferð:
Allt í Járnum ehf., 195,4 millj.kr.
BB og synir ehf., 268,7 millj.kr.
Gámaþjónusta Vestfjarða ehf., 268,8 millj.kr.
Þotan ehf., 177,4 millj.kr.
Borgarverk ehf., 186,3 millj.kr.
Kostnaðaráætlun Verkís hf., 148,5 millj.kr.
Elfar Steinn Karlsson, forstm. tæknideildar sat fundinn undir þessum dagskrárlið.
Bæjarráð samþykkir að ganga til samninga við lægstbjóðenda Þotuna ehf., Bolungarvík.

Rætt um málefni Birkimelsskóla.
Bæjarráð felur bæjarstjóra að vinna að málinu.

Lagt fram bréf ásamt fylgiskjölum dags. 3. febrúar sl. frá Helgu Bjarnadóttur varðandi friðlýsingu æðarvarps í landi jarðarinnar Litlu-Eyri á Bíldudal. Elfar Steinn Karlsson, forstm. tæknideildar sat fundinn undir þessum dagskrárlið.
Bent er á að sveitarfélagið er umsagnaraðili í málinu og tekur bæjarráð undir bókun skipulags- og umhverfisráðs frá 18. fundi ráðsins 18. janúar sl.: "....Einnig beinir ráðið því til sýslumanns skv. 2. gr. reglugerðar nr. 252/1996 að fengnir verði tveir kunnugir menn til að meta hvort æðarvarp sé á öllu því svæði sem sótt er um friðlýsingu á."

Lagt fram bréf dags. 18. janúar sl. frá Lögmannsstofunni Mandat varðandi hitavatnsréttindi á Krossholti Barðaströnd.
Bæjarráð óskar eftir umsögn bæjarlögmanns um erindið.

Lagt fram bréf dags. 5. febrúar sl. frá Ómari Sigurðssyni f.h. 10. bekkjar grunnskólans á Bíldudal með beiðni um styrk til að fara í útskriftarferð að vori 2016.
Bæjarráð samþykkir styrk að upphæð 10.000 kr. á barn.

Lagt fram bréf dags. 8. febrúar sl. frá Ferðaþjónustu Vestfjarða ehf. með beiðni um styrk vegna upplýsingamiðstöðvar á Patreksfirði.
Bæjarráð felur bæjarstjóra að svara erindinu til samræmis við umræður á fundinum.

Lagt fram tölvubréf ásamt fylgiskjölum dags. 15. febrúar sl. frá Sýslumanninum á Vestfjörðum með beiðni um umsókn um nýtt rekstrarleyfi fyrir Ferðaþjónustuna Örlygshöfn.
Bæjarráð frestar afgreiðslu málsins.

Lagt fram tölvubréf dags. 4. febrúar sl. frá Umboðmanni barna með áskorun til sveitarfélaga að setja hagsmuni barna í forgang.
Lagt fram til kynningar.

Bæjarráð Vesturbyggðar lýsir yfir áhyggjum sínum á áhrifum nýundirritaðra búvörusamninga á jaðarsvæði landsins og óskar eftir að landbúnaðarráðherra, formaður Bændasamtakanna og þingmenn kjördæmisins komi til fundar við bæjarstjórn Vesturbyggðar eins fljótt og verða má.

Lagt fram tölvubréf dags. 27. janúar sl. frá umhverfis- og samgöngunefnd Alþingis með beiðni um umsögn um frumvarp til laga um vatnsveitur (skilgreining og álagning vatnsgjalds), 400. mál.
Lagt fram til kynningar.

Lagt fram tölvubréf dags. 27. janúar sl. frá umhverfis- og samgöngunefnd Alþingis með beiðni um umsögn um frumvarp til laga um fráveitur (gjaldtökuheimildir, réttindi og skyldur fráveitna), 404. mál.
Lagt fram til kynningar.

Lagt fram tölvubréf dags. 5. febrúar sl. frá velferðarnefnd Alþingis með beiðni um umsögn um tillögu til þingsályktunar um embætti umboðsmanns aldraðra, 14. mál.
Lagt fram til kynningar.

Lagt fram tölvubréf dags. 29. janúar sl. frá allsherjar- og menntamálanefnd Alþingis með beiðni um umsögn um frumvarp til laga um áfengi og tóbak o.fl. (smásala áfengis), 13. mál.
Lagt fram til kynningar.

Lagt fram tölvubréf dags. 16. febrúar sl. frá umhverfis- og samgöngunefnd Alþingis með beiðni um umsögn um tillögu til þingsályktunar um notkun gúmmikurls úr dekkjum á leik- og íþróttavöllum, 328. mál.
Bæjaráð felur tæknideild að gefa yfirlit um hvaða efni eru notuð á lóðir leikskóla og íþróttavelli í sveitarfélaginu.