Bæjarráð #794

Lögð fram bókun frá 508. fundi hreppsnefndar Tálknafjarðarhrepps frá 8. febrúar sl. um fjallskil þar sem sveitarstjórnin samþykkir ekki tillögu frá 792. fundi bæjarráðs Vesturbyggðar um gjaldtöku vegna fjallskilakostnaðar.
Lagt fram til kynningar.

Lagt fram yfirlit rekstrar upplýsingamiðstöðvarinnar á Patreksfirði á árinu 2016.
Rætt um rekstur upplýsingamiðstöðvar í Vesturbyggð og fyrirkomulag á rekstri hennar sumarið 2017.
Bæjarráð felur verkefnastjóra samfélagsuppbyggingar að auglýsa styrk til reksturs upplýsingarmiðstöðvar í Vesturbyggð sumarið 2017 til samræmis við drög að verkefnalýsingu.

Lagt fram bréf dags. 30. janúar sl. frá Sögufélagi Barðastrandarsýslu með ósk um styrk að upphæð 120.000 kr.
Bæjarráð samþykkir styrkveitingu að upphæð 120.000 kr. sem bókist á bókhaldsliðinn 05089-9990.

Lagt fram bréf dags. 6. febrúar sl. frá Jóhanni Halldórssyni með umsókn um húsnæði fyrir aldraða/öryrkja á Bíldudal.
Bæjarráð frestar afgreiðslu málsins.

Lagt fram bréf dags. 14. febrúar sl. frá atvinnu- og nýsköpunarráðuneytinu með beiðni um upplýsingar vegna stefnumótunar stjórnvalda í fiskeldi á Íslandi.
Bæjarráð felur bæjarstjóra að gera drög að svörum við erindinu.

Lagt fram tölvubréf dags. 9. febrúar sl. frá Óskari L. Arnarsyni með kostnaðaráætlun um skráningu áhalda og muna í Gömlu smiðjunni á Bíldudal.
Bæjarráð samþykkir að láta skrá áhöld og muni í Gömlu smiðjunni á Bíldudal og felur bæjarstjóra að ganga til samninga við Óskar L. Arnarson á grundvelli fyrirliggjandi kostnaðaráætlunar. Kostnaður bókist á bókhaldsliðinn 05089-9990.

Lagt fram bréf dags. 26. október 2016 frá BsVest ásamt samstarfs- og þjónustusamningum aðildarsveitarfélaga Byggðasamlags Vestfjarða um málefni fatlaðs fólks með ósk um endurnýjun samninga. Erindinu var vísað til bæjarráðs á fundi bæjarstjórnar 18. janúar sl.
Bæjarráð samþykkir samningana.

Lagt fram tölvubréf dags. 17. febrúar sl. með boð á XXXI. landsþing Sambands ísl. sveitarfélag sem haldið verður í Reykjavík 24. mars nk.
Bæjarráð felur formanni bæjarráðs og bæjarstjóra að sækja fundinn.

Lagt fram tölvubréf dags. 9. febrúar sl. frá Íbúðalánasjóði þar sem óskað er upplýsinga um lóðaúthlutanir o.fl.
Bæjarráð vísar erindinu til forstöðumanns tæknideildar.

Lagt fram tölvubréf dags. 2. febrúar sl. þar sem vakin er athygli á greiningarskýrslu vegna svæðisskipulagsgerðar Dalabyggðar, Reykhólahrepps og Strandabyggðar með ósk um umsókn.
Bæjarrráð bendir á skamman umsagnartíma um greiningarskýrsluna en vísar erindinu til skipulags- og umhverfisráðs.

Lagt fram bréf ásamt fylgiskjölum dags. 16. febrúar sl. frá Sýslumanninum á Vestfjörðum með beiðni um umsögn vegna umsóknar um nýtt rekstrarleyfi að reka gistingu samkvæmt gistiflokki II að Þverá á Barðaströnd.
Bæjarráð gerir ekki athugasemd við veitingu nýs rekstrarleyfis að reka gistingu samkvæmt gistiflokki II í Þverá, fastanr. 212-3235, Barðaströnd. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Gámaþjónustu Vestfjarða ehf eða aðra sambærilega aðila um förgun á sorpi sem fellur til við starfsemi gistiheimilisins.

Lagt fram tölvubréf ódags. frá UMFÍ þar sem vakin er athygli sveitarfélaga á umsóknum vegna unglingalandsmóts árið 2020 og landsmót 50 ára og eldri árið 2019.
Bæjarráð vísar erindinu til fræðslu- og æskulýðsráðs.

Lagt fram bréf dags. 7. febrúar sl. frá Alzheimer samtökunum með beiðni um styrk vegna málþinga um heilabilun.
Bæjarráð sér sér ekki fært að verða við erindinu.

Lagt fram tölvubréf dags. 9. febrúar sl. frá forsvarsmönnum nemenda 9. og 10. bekkjar Patreksskóla með ósk um styrk sem nemi húsaleigu og leigu á hljóðkerfi Félagsheimilis Patreksfjarðar vegna grímballs sem haldið verður 25. febrúar nk.
Bæjarráð fellst á erindið, leigu húsnæðis og „litla“ hljóðkerfis og bókist kostnaður á bókhaldsliðinn 05089-9990.

Lagðar fram eftirlitsskýrslur vegna vatnssýnistöku á Patreksfirði og á Bíldudal. Vatnssýnin stóðust gæðakröfur.
Lagt fram til kynningar.

Lögð fram fundargerð 111. fundar stjórnar Heilbrigðisnefndar Vestfjarðasvæðis frá 10. febrúar 2017.
Lagt fram til kynningar.
Lagt fram drög að gjaldskrá Heilbrigðiseftirlits Vestfjarðasvæðis vegna leyfisveitinga, eftirlits og annarrar gjaldskyldrar starfsemi.
Bæjarráð leggur til við bæjarstjórn að samþykkja gjaldskrána.

Lögð fram skýrslan „Lífrænn úrgangur til landgræðslu - tækifæri.“
Lagt fram til kynningar. Bæjarráðs vísar skýrslunni til atvinnu- og menningarráðs til kynningar.

Lögð fram fundargerð 102. fundar stjórnar Náttúrustofu Vestfjarða frá 3. febrúar 2017.
Lagt fram til kynningar.

Lagt fram drög að reglugerð um útlendingamál sem sett er á grundvelli nýrra laga sem tóku gildi 1. janúar sl.
Lagt fram til kynningar.

Lögð fram fundargerð 31. fundar framkvæmdaráðs Samtaka sjávarútvegssveitarfélaga frá 3. febrúar 2017.
Lagt fram til kynningar. Bæjarráðs vísar fundargerðinni til atvinnu- og menningarráðs til kynningar.

Lögð fram fundargerð 846. fundar stjórnar Sambands ísl. sveitarfélaga frá 27. janúar 2017.
Lagt fram til kynningar.

Lögð fram fundargerð stjórnar Fjórðungssambands Vestfirðinga frá 16. febrúar 2017.
Lagt fram til kynningar.

Lögð fram fundargerð fundar samráðsvettvangs sveitarfélaga á Vestfjarða haldinn á Hólmavík 25. janúar 2017.
Lagt fram til kynningar.

Lagðar fram fundargerðir stjórnar Fjórðungssambands Vestfirðinga frá 14. desember 2016 og frá 25. janúar 2017.
Lagt fram til kynningar.

Lögð fram fundargerð fundar framkvæmdaráðs umhverfisvottunar haldinn á Hólmavík 19. janúar 2017.
Lagt fram til kynningar.