Bæjarráð #850

Rætt um morgunferðir Tálknafjörður - Patreksfjörður og farið yfir hugmyndir að kostnaðarskiptingu. Gerði Björk Sveinsdóttur, verkefnastjóra falið að ræða við forsvarsmenn Odda hf. um framhaldið í samræmi við umræður á fundinum. Bæjarráð samþykkir jafnframt að halda verkefninu áfram á meðan að unnið er að breytingum á fyrirkomulagi.

Lagt fyrir minnisblað unnið af Rebekku Hilmarsdóttur bæjarstjóra þar sem lagt er til að viðtalstími bæjarstjóra verði alla miðvikudaga frá kl. 10-12:30. Bæjarráð samþykkir tillöguna.

Lagt var fram erindi frá nefndarsviði Alþingis þar sem óskað er eftir umsögn um frumvarp til laga um veiðigjald. Bæjarstjóra var falið að senda inn umsögn í samvinnu við bæjarfulltrúa. Umsögnin var send inn innan tilskilins frests.
Bæjarráð samþykkir innsenda umsögn.

https://www.althingi.is/altext/erindi/149/149-206.pdf

Lagt var fram erindi frá nefndarsviði Alþingis frá 12. október 2018 þar sem óskað er eftir umsögn um tillögu til þingsályktunar um samgönguáætlun fyrir árin 2019-2023, 172. mál. Bæjarstjóra var falið að senda inn umsögn í samvinnu við bæjarfulltrúa. Umsögnin var send inn innan tilskilins frests.
Bæjarráð samþykkir innsenda umsögn.

https://www.althingi.is/altext/erindi/149/149-300.pdf

Lagt var fram erindi frá nefndarsviði Alþingis frá 12. október 2018 þar sem óskað er eftir umsögn um tillögu til þingsályktunar um samgönguáætlun fyrir árin 2019-2033, 173. mál. Bæjarstjóra var falið að senda inn umsögn í samvinnu við bæjarfulltrúa. Umsögnin var send inn innan tilskilins frests.
Bæjarráð samþykkir innsenda umsögn.

https://www.althingi.is/altext/erindi/149/149-300.pdf

Lagður fyrir starfslokasamningur við Ásthildi Sturludóttur fráfarandi bæjarstjóra Vesturbyggðar. Bæjarráð samþykkir samninginn.

Lagt fram bréf dags. 2. október sl. frá atvinnu- og nýsköpunarráðuneytinu þar sem auglýst er til umsóknar byggðakvóti fiskveiðiársins 2018-2019. Bæjarráð felur bæjarstjóra að sækja um byggðakvóta fyrir fiskveiðiárið 2018-2019.

Mættur til viðræðna við bæjarráð, Davíð Rúnar Gunnarsson, þar sem hann fór yfir með ráðinu áætlun um lagningu ljósleiðara í sveitum ásamt því að farið var yfir gang verkefnis um lagningu ljósleiðara á Barðaströnd.

Tekið fyrir erindi frá Kolbrúnu Pálsdóttur dagss. 22. okt.sl, þar sem óskað er eftir því við Vesturbyggð að sveitarfélagið bakfæri leigugreiðslur sem greiddar voru fyrir geymslupláss í Straumnesi. Bæjarráð felur bæjarstjóra að ræða við bréfrita í samræmi við umræður á fundinum.

Tekið fyrir erindi dagss. 23.10.2018 frá Rafstöðin, félagasamtök, þar sem óskað er eftir því við Vesturbyggð að sveitarfélagið taki að sér rekstur salerna við gömlu rafstöðina á Bíldudal. Erindinu vísað til menningar- og ferðamálaráðs til afgreiðslu.

Tekið fyrir erindi dagss. 18.10.2018 frá Leikhópnum Lottu þar sem óskað er eftir styrk í formi aðstöðu til sýningar og gistingu fyrir aðstandendur sýningarinnar. Bæjarráð samþykkir erindið og felur Páli Vilhjálmssyni íþrótta- og tómstundarfulltrúa að vera í sambandi við hópinn.

Tekin fyrir styrkbeiðni frá Landsamband slökkviliðs- og sjúkraflutningamanna þar sem leitað er eftir styrk vegna eldvarnaátaks sem fellst í eldvarnafræðslu grunnskólabarna. Bæjarráð samþykkir að styrkja verkefnið um kr. 25.000,-.

Tekið fyrir erindi frá Pólóníu, félags Pólverja á sunnanverðum Vestfjörðum þar sem óskað er eftir styrk í formi niðurfelldrar leigu á stóra sal FHP í tilefni 100 ára sjálfstæðis Póllands. Bæjarráð samþykkir erindið.

Skráð í trúnaðarbók.

Lagt fram bréf dags. 2. október sl. frá Samtökum um kvennaathvarf með ósk um rekstrarstyrk fyrir félagið á árinu 2019. Bæjarráð samþykkir 50.000 kr. styrk til reksturs félagsins 2019. Styrkurinn bókist á 02089-9990.

Úttekt Deloitte á rekstri sjávarútvegs á Norð-Vesturlandi lögð fram til kynningar.

Fundargerð 864. fundar stjórnar Sambands Íslenskra sveitarfélaga lögð fram til kynningar.

Erindi frá Guðmundi Halldórssyni lagt fram til kynningar.

Fundargerð 110 fundar stjórnar NAVE lögð fram til kynningar.