Fundur haldinn í Svörtuloftum, fundarsal í Ráðhúsi Vesturbyggðar, 1. október 2019 og hófst hann kl. 09:30
Fundinn sátu
- Iða Marsibil Jónsdóttir (IMJ) aðalmaður
- Rebekka Hilmarsdóttir (RH) bæjarstjóri
- Þórkatla Soffía Ólafsdóttir (ÞSÓ) formaður
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslusviðs
Almenn erindi
1. Fjárhagsáætlun 2020
Sviðsstjórar kynntu tillögur að breytingum í rekstri sem miða að því að auka tekjur eða draga úr kostnaði.
Tillögunum vísað til fjárhagsáætlunar 2020.
2. Fjárhagsáætlun 2019 - Viðaukar
Lögð fyrir tillaga að viðauka 5 við fjárhagsáætlun 2019. Um er að ræða rekstrarkostnað við Patrekshöfn að fjárhæð 1.500.000 vegna viðhalds á krana, dekkjunar við trébryggju ofl. Viðhald á Bíldudalshöfn 1.500.000 vegna færslu á kalkgirðingu ofl. og Brjánslæknarhöfn 500.000 vegna vinnu við landtenginu smábáta ofl. Viðaukanum er mætt með lækkun á handbæru fé þar sem tekjur af lestargjöldum og bryggjugjöldum vegna komu skemmtiferðaskipa hafa reynst hærri en gert var ráð fyrir í fjárhagsáætlun 2019. Viðaukinn hefur ekki áhrif á rekstrarniðurstöðu A og B hluta.
3. Ofanflóðavarnir - Patreksfjörður - Urðargata, Hólar og Mýrar.
Lagt fyrir tilboð í ofanflóðavarnir á Patreksfirði. Lægsta tilboð í verkið átti Suðurverk, tilboðið er 1.311.684.930 en kostnaðraáætlun hljóðaði uppá 1.209.954.500.
Bæjarráð leggur til að tilboði Suðurverks verði tekið.
4. Ósk um niðurgreiðslu frá Vesturbyggð vegna námskeiðs í söng og framkomu
Lögð fyrir beiðni Elínar Bergljótardóttur um niðurgreiðslu Vesturbyggðar á námskeiði í söng og framkomu á sem fyrirhugað er að verði á Bíldudal í vetur. Sviðsstjóra fjölskyldusviðs er falið að óska eftir nánari upplýsingum um námskeiðið.
5. Skýrsla bæjarstjóra
6. Viljayfirlýsing um fjölgun íbúða í Vesturbyggð í gegnum tilraunaverkefni Íbúðalánsjóðs
Lögð fyrir viljayfirlýsing um fjölgun íbúða í Vesturbyggð í gegnum tilraunaverkefni Íbúðalánasjóðs. Bæjarráð fagnar fyrsta skrefi samstarfs Vesturbyggðar og íbúðalánsjóðs sem miðar að því að fjölga íbúðarhúsnæði í sveitarfélaginu.
Til kynningar
7. Drög að reglugerð um gerð strandsvæðisskipulagsmáls
Fleira ekki gert. Fundi slitið kl. 15:00
Ásgeir Sveinsson boðaði forföll.
Formaður bæjarráðs óskaði eftir því að tekin verði á dagskrá nýr fundarliður. Viljayfirlýsing um fjölgun íbúða í Vesturbyggð í gegnum tilraunaverkefni Íbúðalánasjóðs. Dagskrárliðurinn verður númer 6 á dagskrá. Aðrir liðir færast niður um einn.
Samþykkt samhljóða.