Bæjarráð #884

Lagður fram viðauki 6. við fjárhagsáætlun 2019 vegna viðhaldsframkvæmda við ekjubrú við Brjánslækjarhöfn. Viðaukinn hljóðar uppá 7.043.000 og er mætt með framlagi frá Vegagerðinni uppá 7.043.000.
Viðaukinn hreyfir ekki handbært fé né hefur hann áhrif á rekstrarniðurstöðu A og B hluta.

Lögð fram drög að erindisbréfi fyrir bæjarráð til kynningar. Samkvæmt 2. mgr. 5. gr. samþykktar um stjórn Vesturbyggðar nr. 317/2014 staðfestir bæjarstjórn erindisbréfið. Bæjarráð gerir ekki athugasemdir við drögin.

Lagt fram bréf dags. 25. október 2019 frá Umhverfisstofnun þar sem óskað er tilnefningu frá Vesturbyggð í samstarfshóp um undirbúning friðlýsingarhugmynda á Vestfjörðum innan marka Vesturbyggðar og Ísafjarðarbæjar.
Bæjarráð tilnefnir Rebekku Hilmarsdóttur, bæjarstjóra Vesturbyggðar sem fulltrúa sveitarfélagsins í samstarfshóp sem mun vinna að undirbúningi friðlýsingarinnar. Bæjarstjóra falið að tilkynna um tilnefninguna til Umhverfisstofnunar.

Lagt fram bréf dags. 10. október 2019, sem móttekið var 21. október 2019 þar sem Stígamót leita til sveitarstjórna landsins til þess að óska eftir samstarfi um rekstur.
Bæjarráð vísar málinu til sviðsstjóra fjölskyldusviðs Vesturbyggðar

Lagt fram bréf Kvennaathvarfsins dags. 20. október 2019, þar sem óskað er eftir rekstrarstyrk að fjárhæð 50.000 kr. fyrir árið 2020.
Bæjarráð samþykkir styrkveitinguna.

Lagt fram bréf dags. 31. október 2019 frá Foreldrafélagi Patreksskóla þar sem óskað er eftir styrk vegna sýningar Leikhópsins Lottu á Hans Klaufa þann 27. febrúar 2020 á Patreksfirði. Óskað er eftir styrk vegna afnota félagsheimilisins á Patreksfirði, greidd verði gisting fyrir leikhópinn og hópurinn geti notið aðstoðar menningar- og ferðamálafulltrúa og íþrótta- og æskulýðsfulltrúa við verkefnið.

Bæjarráð vísar styrkbeiðninni til menningar- og ferðamálaráðs.

Lagt fram bréf dags. 17. október 2019 frá félagi Pólverja á sunnanverðum Vestfjörðum, Póloníu, þar sem óskað er eftir aðstoð Vesturbyggðar við að útvega húsnæði fyrir starfsemi félagsins en hlutverk þess er að styrkja og bæta samfélag Pólverja á sunnanverðum Vestfjörðum. Félagið hefur séð um fermingarfræðslu fyrir kaþólsk börn, leikjadaga í íþróttahúsinu, samstarf með grunnskólum, pólskukennslu fyrir pólsk börn og fleira.

Bæjarráð felur bæjarstjóra að ræða við bréfritara í samræmi við umræður á fundinum.

Lagt fram bréf dags. 25. október 2019 frá félagi Pólverja á sunnanverðum Vestfjörðum, Póloníu, þar sem óskað er eftir afslætti af leiguverði á fundarsal í félagsheimili Patreksfjarðar vegna jólaballs fyrir pólsk börn og fjölskyldur þeirra 7. desmeber 2019.
Bæjarráð samþykkir beiðnina.

Lagður fram tölvupóstur dags. 1. nóvember 2019 frá Krúttmagafélaginu, þar sem óskað er eftir niðurfellingu á leigu fyrir Félagsheimili Patreksfjarðar og leigu á hljóðkerfi vegna Krúttmagakvöldsins 26. október sl. en hluti af kvöldinu fór til góðgerðamála á svæðinu.
Bæjarráð hafnar erindinu.

Lagður fram tölvupóstur dags. 4. nóvember 2019 frá Davíð Jónssyni, þar sem kynnt er verkefnið Sjávarútvegsskóli 2020 fyrir grunnskólanemendur. Markmið skólans er að auka áhuga og efla þekkingu á sjávarútvegi og að auki kynna nemendum þá menntunarmöguleika sem tengdir eru sjávarútvegi og bjóðast í framhalds- og háskólanámi. Þá er skólinn hugsaður sem tæki til að benda grunnskólanemendum á framtíðarmöguleika sem þau kunna að eiga í sinni heimabyggð.

Bæjarráð fagnar verkefninu og vísar málinu til fræðslu- og æskulýðsráðs til afgreiðslu.

Lagt fram bréf Sýslumannsins á Vestfjörðum dags. 8. nóvember 2019 þar sem óskað er umsagnar um umsókn um tímbabundið áfengisleyfi í tilefni árshátíðar í Baldushaga á Bíldudal.
Bæjarráð gerir ekki athugasemd við veitingu leyfisins.

Lögð fram til kynningar auglýsing Minjastofnunar Íslands þar sem auglýst er eftir umsóknum um styrki úr húsafriðunarsjóði vegna ársins 2020.

Lagður fram til kynningar tölvupóstur frá Þjóðskrá Íslands dags. 6. nóvember 2019 þar sem vakin er athygli sveitarfélaga á viðtækum breytingum á póstnúmerum sem tóku gildi 1. október 2019.

Lögð fram til kynningar tilkynning Arnarlax um aflúsun í samvinnu við Matvælastofnun á eldisstöðvum fyrirtækisins við Tjaldanes í Arnarfirði, Laugardal í Tálknafirði og Þúfneyri í Patreksfirði dagana 30. október til 8. nóvember 2019.

Lagt fram til kynningar bréf Capacent um sameiningar sveitarfélaga dags. 28. október 2019, þar sem kynnt er aðstoð fyrirtækisins varðandi undirbúning sameininga sveitarfélaga.

Lagður fram til kynningar tölvupóstur dags. 4. nóvember 2019 frá umhverfis- og samgöngunefnd Alþingis þar sem óskað er eftir umsögn um frumvarp til laga um breytingu á sveitarstjórnarlögum nr. 138/2011 (fjöldi fulltrúa í sveitarstjórn).

Lagður fram til kynningar tölvupóstur dags. 6. nóvember 2019 frá velferðarnefnd Alþingis þar sem óskað er eftir umsögn um frumvarp til laga um breytingu á lögum um ávana- og fíkniefni nr. 65/1974 (neyslurými).

Lagður fram til kynningar tölvupóstur dags. 25. október 2019 frá allsherjar- og menntamálanefnd Alþingis þar sem óskað er eftir umsögn um frumvarp til laga um breytingu á lögum um grunnskóla nr. 91/2008 (ritfangakostnaður).

Lagður fram til kynningar tölvupóstur dags. 22. október 2019 frá atvinnuveganefnd Alþingis þar sem óskað er eftir umsögn um frumvarp til laga um breytingu á jarðalögum nr. 81/2004 (forkaupsréttur sveitarfélaga).

Lagður fram til kynningar tölvupóstur dags. 22. október 2019 frá umhverfis- og samgöngunefnd Alþingis þar sem óskað er eftir umsögn um frumvarp til laga um breytingar á sveitarstjórnarlögum nr. 138/2011 (íbúakosningar um einstök mál).

Lagður fram til kynningar tölvupóstur dags. 15. október 2019 frá umhverfis- og samgöngunefnd Alþingis þar sem óskað er eftir umsögn um tillögu til þingsályktunar um stefnumótandi áætlun í málefnum sveitarfélaga fyrir árin 2019-2033 og aðgerðaráætlun fyrir árin 2019-2033.

Lagður fram til kynningar tölvupóstur dags. 4. nóvember 2019 frá umhverfis- og auðlindaráðuneytinu þar sem vakin er athygli á drögum að breytingu á reglugerð um mat á umhverfisáhrifum og reglugerð um framkvæmdaleyfi sem eru til umsagna í samráðsgátt stjórnvalda.

Lögð fram til kynningar fundargerð stjórnar Sambands íslenskra sveitarfélaga af 875. fundi þann 25. október 2019.