Hoppa yfir valmynd

Bæjarráð #927

Fundur haldinn í Svörtuloftum, fundarsal í ráðhúsi Vesturbyggðar, 31. ágúst 2021 og hófst hann kl. 16:00

Nefndarmenn
  • Ásgeir Sveinsson (ÁS) aðalmaður
  • María Ósk Óskarsdóttir (MÓÓ)
  • Þórkatla Soffía Ólafsdóttir (ÞSÓ) formaður
Starfsmenn
  • Rebekka Hilmarsdóttir (RH) bæjarstjóri

Fundargerð ritaði
  • Rebekka Hilmarsdóttir bæjarstjóri

Almenn erindi

1. FAB LAB á Patreksfirði

Einar Mikael Sverrisson kom inn á fundinn og kynnti hugmyndir um FAB LAB á Patreksfirði og samstarf við Vesturbyggð.

Bæjarráð þakkar fyrir góða kynningu og fagnar áformum um opnun FAB LAB á Patreksfirði. Bæjarstjóra falið að vinna málið áfram.

    Málsnúmer 2108029 2

    Skráðu netfangið þitt og við sendum tilkynningu ef það er skráð fundargerð með þessu málsnúmeri.


    2. Framkvæmdir við Vatneyrarbúð 2020

    Sviðsstjóri umhverfis- og framkvæmdasviðs kom inn á fundinn til að ræða næstu skref við framkvæmdir við Vatneyrarbúð. Lagt er til að halda áfram framkvæmdum og er því vísað til gerðar fjárhagsáætlunar.

      Málsnúmer 2004032

      Skráðu netfangið þitt og við sendum tilkynningu ef það er skráð fundargerð með þessu málsnúmeri.


      3. Upplýsingastefna Vesturbyggðar 2021

      Lögð fram drög að upplýsingastefnu Vesturbyggðar 2021-2023, dags. 28. júní 2021. Markmið upplýsingastefnu Vesturbyggðar er að tryggja gagnsæi í stjórnsýslu sveitarfélagsins, þannig að allir sem hagsmuna eiga að gæta hafi greiðan aðgang að upplýsingum um starfsemi Vesturbyggðar.

      Stefnan nær til allrar starfsemi sveitarfélagsins og tengir því saman ýmsa aðra stefnumótun er varðar upplýsingamiðlun og samskipti við íbúa og fjölmiðla. Upplýsingamiðlun frá Vesturbyggð skal vera traust og skýr. Mikilvægt er að íbúar hafi greiðan aðgang að upplýsingum og gögnum sem varða stjórn og þjónustu sveitarfélagsins, afgreiðslu mála og annað sem snýr að hagsmunum íbúa.

      Bæjarráð vísar stefnunni til umfjöllunar í bæjarstjórn.

        Málsnúmer 2011014 8

        Skráðu netfangið þitt og við sendum tilkynningu ef það er skráð fundargerð með þessu málsnúmeri.


        4. Fjárhagsáætlun 2022-2025

        Lagt fyrir minnisblað dags. 13. ágúst 2021 unnið af Sambandi Íslenskra sveitarfélaga, efni minnisblaðsins eru forsendur fjárhagsáætlana 2022 - 2025. Jafnframt eru lögð fram drög að helstu dagsetningum í fjárhagsáætlunarvinnunni.

        Bæjarráð samþykkir að vinna við fjárhagsáætlun 2022 - 2025 muni að hluta til fara fram á vinnufundum þar sem allir bæjarfulltrúar verða boðaðir. Greitt verður fyrir fundina með sama hætti og nefndarfundi.

          Málsnúmer 2106009 13

          Skráðu netfangið þitt og við sendum tilkynningu ef það er skráð fundargerð með þessu málsnúmeri.


          5. Fjárhagsáætlun 2021 - viðaukar

          Lagður er fyrir viðauki 6 við fjárhagsáætlun ásamt minnisblaði sviðsstjóra umhverfis- og framkvæmdasviðs þar sem lagt er til að færðir verði fjármunir sem ætlaðir voru til lagningar kantsteins á Bíldudal 1.000.000 kr. og vinnu við miðjutorg við innkomu Bíldudals 500.000 kr. og bætt við það sem áætlað var til malbikunar þannig að unnt verði að leggja malbik á Sæbakka á Bíldudal. Samtals nemur fjárhæðin 1.500.000 kr. Viðaukinn hreyfir ekki handbært fé og hefur ekki áhrif á rekstrarniðurstöðu A og B hluta.

          Bæjarráð samþykkir viðaukann og vísar honum áfram til staðfestingar bæjarstjórnar.

            Málsnúmer 2103010 15

            Skráðu netfangið þitt og við sendum tilkynningu ef það er skráð fundargerð með þessu málsnúmeri.


            6. Íþróttamiðstöðin Bylta - vetraropnunartími 2021-2022

            Rætt um tillögu að breyttum opnunartíma fyrir íþróttahúsið Byltu vegna innleiðingar innstimplunarkerfis fyrir húsið sem auka muni aðgengi að húsnæðinu utan hefðbundins opnunartíma. Lagt er til að opnunartími Byltu verði virka daga kl. 10-21, laugardaga kl. 10-15 og lokað á sunnudögum.

            Bæjarráð samþykkir tillöguna.

              Málsnúmer 2108030

              Skráðu netfangið þitt og við sendum tilkynningu ef það er skráð fundargerð með þessu málsnúmeri.


              7. Hjúkrunarrými á Heilbrigðisstofnun Vestfjarða Patreksfirði

              Lagður fram verkkaupasamningur Heilbrigðisráðuneytis, Vesturbyggðar og framkvæmdasýslu ríkisins um verkaskiptingu og vinnutilhögun við áætlunargerð vegna nýbyggingar hjúkrunarheimilis á Patreksfirði. Bæjarráð staðfestir samninginn.

              Bæjarráð leggur til að Arnheiður Jónsdóttir verði tilnefnd sem fulltrúi Vesturbyggðar í dómnefnd á samkeppnistíma tillagna. Samþykkt samhljóða.

                Málsnúmer 2004011 13

                Skráðu netfangið þitt og við sendum tilkynningu ef það er skráð fundargerð með þessu málsnúmeri.


                Til kynningar

                8. Boðun á 66. Fjórðungsþings Vestfirðinga 22. - 23. október 2021

                Lagt fram til kynningar boð á 66. Fjórðungsþing Vestfirðinga sem fram fer 22. og 23. október nk. á Ísafirði, dags. 18. ágúst 2021.

                  Málsnúmer 2108020 2

                  Skráðu netfangið þitt og við sendum tilkynningu ef það er skráð fundargerð með þessu málsnúmeri.


                  9. Umsóknir um styrk úr Fiskeldissjóði 2021

                  Lagðar fram til kynningar umsóknir í fiskeldissjóð. Eftirtaldar umsóknir voru sendar til sjóðsins:

                  - Gönguvænni Patreksfjörður
                  - Frumhönnun fyrir bæjarmynd Bíldudals - gömlu húsin og sundlaug
                  - Heildarendurskoðun á vatnsöryggi fyrir Patreksfjörð og Bíldudal
                  - Framkvæmdir við að fjarlægja Azbest lögn í Bíldudal
                  - Frumhönnum Kolabryggjunnar á Patreksfirði

                    Málsnúmer 2107034 4

                    Skráðu netfangið þitt og við sendum tilkynningu ef það er skráð fundargerð með þessu málsnúmeri.


                    Fleira ekki gert. Fundi slitið kl. 17:57