Bæjarráð #944

Tekin fyrir ráðning bæjarstjóra Vesturbyggðar. Fyrir liggja drög að ráðningarsamningi.

Bæjarráð samþykkir að ráða Þórdísi Sif Sigurðardóttur sem bæjarstjóra Vesturbyggðar og felur forseta bæjarstjórnar að ganga frá og skrifa undir ráðningarsamninginn.

Ráðningasamningi vísað áfram til bæjarstjórnar til staðfestingar.

Bæjarráð Vesturbyggðar þakkar Rebekku Hilmarsdóttur fráfarandi bæjarstjóra Vesturbyggðar fyrir vel unnin störf og óskar henni velfarnaðar í nýjum verkefnum í framtíðinni.

Lögð fram til afgreiðslu fundargerð aðalfundar fyrir Húsfélagið Sigtún 57-67. Taka þarf afstöðu til kostnaðarhlutdeildar Vesturbyggðar í fyrirhuguðum framkvæmdum við viðhald á raðhúsalengju. Áætlaður viðbótarkostnaður við hvora íbúð eftir að búið er að greiða út úr framkvæmdasjóð þá upphæð sem til er þar, er.

Sigtún 59 kr. 1.863.127.- og
Sigtún 67 kr. 1.452.848.-

Stjórn Fasteigna Vesturbyggðar hafði áður tekið málið fyrir og vísað því áfram til bæjarráðs til samþykktar.

Bæjarráð Vesturbyggðar vísar málinu áfram til gerðar viðauka við fjárhagsáætlun Vesturbyggðar fyrir árið 2022.

Drög að stefnu um verndun og rannsóknir á fornleifum og byggingararfi lögð fram til kynningar.

Lögð fram til kynningar drög að reglugerð um umferðamerki og notkun þeirra.

Lagður fram til kynningar tölvupóstur frá Umhverfisstofnun þar sem fram kemur að tekin hafi verið ákvörðun um breytingu á starfsleyfi Arctic Sea Farm hf. í Patreksfirði og Tálknafirði.