Bæjarráð #946

Fulltrúar íbúa á Krossholtum mættu til fundar við bæjarráð þar sem málefni Hitaveitu á Krossholtum voru rædd.

Bæjarráð hefur fullan skilning á vanda íbúa á Krossholtum og felur bæjarstjóra ásamt sviðsstjóra umhverfis- og framkvæmasviðs að vinna áfram að lausn mála.

Skólastjóri Tónlistarskóla Vesturbyggðar kom inná fundinn þar sem ræddar voru hugmyndir hennar um tónmenntarkennslu og mögulega breytingu á fyrirkomulagi söngkennslu við skólann. Jafnframt er óskað eftir því að gerður verði viðauki við fjárhagsáætlun 2022 vegna verkefnanna.

Bæjarráð vísar erindinu til gerðar viðauka við fjárhagsáætlun.

Kristín Andrea Þórðardóttir fulltrúi skipuleggjenda skjaldborgarhátíðarinnar kom inná fund bæjarráðs þar sem málefni Skjaldborgarhátíðarinnar voru rædd.
Lýst var yfir áhyggjum af þróun gistimöguleika hátíðargesta þar sem gistirýmum hefur fækkað og er farið að hamla þátttöku á hátíðinni.

Menningar- og ferðamálafulltrúi Vesturbyggðar sat fundinn undir liðnum.

Lagt fyrir erindi frá forstöðumanni bókasafna Vesturbyggðar þar sem lagt er til að Héraðsbókasafn V-Barðastrandarsýslu á Patreksfirði og Bókasafnið Bíldudal verði formlega sameinuð undir nafninu Bókasafn Vesturbyggðar.

Bókasafnið verður áfram með útibú á Bíldudal og Patreksfirði en með sameiningu verður rekstur og utanumhald einfaldari. Nú þegar hefur útlánaþáttur bókasafnanna verið sameinaður sem gerir notendum kleift að fá safngögn að láni á hvoru safninu sem er, burtséð frá búsetu viðkomandi, og skila á hvoru safninu sem er.

Bæjarráð tekur vel í erindið og óskar eftir afstöðu menningar- og ferðamálaráðs til málsins.

Lagður fyrir viðauki 3 við fjárhagsáætlun 2022 ásamt fundargerð aðalfundar fyrir Húsfélagið Sigtún 57-67. Viðaukinn er lagður fyrir vegna framkvæmdar uppá 3,3 milljónir við íbúðirnar Sigtún 59 og Sigtún 67 sem eru í eigu Fasteigna Vesturbyggðar. Jafnframt er lagt fyrir minnisblað tónlistarskólaskólastjóra vegna aukins launakostnaðar við tónlistarskólann.

Viðaukinn hefur þau áhrif að rekstrarniðurstaða A hluta lækkar um 1,97 milljónir og verður neikvæð um 78,2 milljónir. Rekstrarniðurstaða A og B hluta lækkar um 1,97 milljónir og verður 48,1 milljón. Handbært fé í A hluta lækkar um 1,97 milljónir og verður 34,2 milljónir. Handbært fé í A og B hluta lækkar um 1,97 milljónir og verður 44,6 milljónir.

Bæjarráð samþykkir viðaukann og vísar honum til bæjarstjórnar til staðfestingar.

Strandsvæðaskipulag Vestfjarða rætt. Unnið er að umsögn sveitarfélagsins í samvinnu við hafna- og atvinnumálaráð og skipulags- og umhverfisráð. Bæjarráð felur bæjarstjóra að leggja tillögu að umsögn fyrir fund bæjarstjórnar í næstu viku.

Lögð fyrir uppfærð innri persónuverndarstefna Vesturbyggðar dags. 14. júlí 2022 til samþykktar.

Bæjarráð samþykkir stefnuna og vísar henni áfram til bæjarstjórnar til staðfestingar.

Lagt fyrir erindi Sýslumannsins á Vestfjörðum dags. 6.september 2022 þar sem óskað er eftir umsögn Vesturbyggðar um leyfi til að halda Kútmagakvöld í Félagsheimili Patreksfjarðar 1. október 2022.

Bæjarráð Vesturbyggð gerir ekki athugasemd við veitingu leyfisins.

Lagt fyrir erindi Sýslumannsins á Vestfjörðum dags. 7.september 2022 þar sem óskað er eftir umsögn Vesturbyggðar um leyfi til að halda Krúttmagakvöld/styrktarkvöld í Félagsheimili Patreksfjarðar 8. október 2022.

Bæjarráð Vesturbyggð gerir ekki athugasemd við veitingu leyfisins.

Lagt fyrir til kynningar bókun stjórnar sambandsins dags. 26. ágúst um ramma að samkomulagi um samræmda móttöku flóttafólks.

Lagðar fyrir til kynningar 202. - 204. fundargerðir Breiðafjarðarnefndar.

Lögð fyrir til kynningar fundargerð nr. 912, stjórnar Sambands íslenskra sveitarfélaga.

Lagt fyrir til kynningar yfirlit yfir kostnað sveitarfélaganna við vinnu þjóðskrár vegna sveitarstjórnarkosninganna 2022. Hlutur Vesturbyggðar er 71.587,-

Lögð fyrir til kynningar fundargerð 139. fundar heilbrigðisnefndar dags. 1. september 2022 ásamt ársskýrslu 2021.

Lagður fyrir til kynningar samningur Vegagerðarinnar við slökkvilið Vesturbyggðar um upphreinsun á vegum eftir umferðarslys.