Bæjarráð #954

Lögð fram drög að umsókn Vesturbyggðar um lántökur á árinu 2023 hjá Lánasjóði sveitarfélaga að upphæð 320 millj.kr. Lántaka er í samræmi við fjárhagsáætlun ársins 2023 og er tekið til að endurfjármagna hluta afborgana lána sveitarfélagsins hjá Lánasjóði sveitarfélaga á árinu 2023 og til að fjármagna framkvæmdir og fjárfestingar á árinu 2023 sbr. lög um Lánasjóð sveitarfélaga nr. 150/2006. Til tryggingar láninu standa tekjur sveitarfélagsins, sbr. heimild í 2. mgr., 68. gr. sveitarstjórnarlaga nr. 138/2011.

Bæjarráð samþykkir lántökuna og vísar áfram til Bæjarstjórnar til staðfestingar.

Rætt um vöntun á leikskólaplássi á Patreksfirði og leiðir til að stytta biðina þar til ný leikskóladeild verður opnuð.

Sviðsstjóra fjölskyldusviðs og bæjarstjóra falið að vinna áfram að málinu.

Farið yfir rekstur tjaldsvæða Vesturbyggðar á árinu 2022. Menninga- og ferðamálafulltrúi Vesturbyggðar sat fundinn undir þessum lið. Jafnframt var farið yfir rekstur Gömlu smiðjunnar á Bíldudal. Vísað áfram til umfjöllunar menningar- og ferðamálaráðs.

Kynnt er umsögn bæjarstjóra við Grænbók ríkisins um sveitarstjórnarmál sem er dagsett 4. janúar 2023.

Lögð fyrir beiðni Sýslumannsins á Vestfjörðum dags. 11. janúar 2023 um umsögn kvennadeildar Slysavfél Bíldudals vegna tækifærisleyfis fyrir Þorrablót í Félagsheimili Bílddælinga Baldurshaga.
Bæjarráð gerir ekki athugasemdir við veitingu leyfisins.

Lögð fyrir umsókn frá Kvenfélaginu Sif dags. 12. janúar 2023 um styrk í formi niðurfellingar á húsaleigu FHP vegna Þorrablóts 2023.

Bæjarráð vísar beiðninni áfram til styrkúthlutana menningar- og ferðamálaráðs.

Menningar- og ferðamálafulltrúi Vesturbyggðar fór yfir drög að uppfærðum styrkúthlunarreglum menningar- og ferðamálaráðs.

Lagður fram tölvupóstur atvinnuveganefndar Alþingis, dags. 16.desember sl., þar sem óskað er eftir umsögn um frumvarp til laga um veiðar á fiskveiðilandhelgi Íslands.

Lagt fram til kynnningar tölvupóstur dags 16.12 2022. Svar Votlendissjóðs við fyrirspurn MAST varðandi framkvæmdir í Fífustaðardal.

Lögð fram til kynnningar fundargerð 916. fundar stjórnar Sambands íslenskra sveitarfélaga.

Lögð er fram til kynningar fundargerðir Náttúrustofu Vestfjarða frá 139. fundi stjórnarinnar.

Lögð fram til kynningar fundargerð 141. fundar Heilbrigðisnefndar Vestfjarða sem haldinn var 15. desember sl.

Til kynningar niðurstaða eftirlitsskýrslu vegna vatnsveitu Patreksfjarðar 30.12.2022. Niðurstaða sýnatöku sýna að vatnið stenst gæðakröfur skv. 536/2001.

Til kynningar niðurstaða Heilbrigðiseftirlits Vestfjarða á sýni fyrir Vatnsveitu Bíldudals. Neysluvatnið stenst gæðakröfur neysluvatnsreglugerðar nr. 536/2001

Lagður er fram til kynningar tölvupóstur frá Sambandi íslenskra sveitarfélaga, dags. 29. desember 2022 þar sem sveitarfélögum er boðin þátttaka í innleiðingu álagingarkerfis vegna meðhöndlun úrgangs út frá borgað þegar hent er kerfinu. Kerfið er í samræmi við lög sem tóku gildi um áramót og mun álagning verða eftir hinu nýja kerfi. Jafnframt er lagður fram til kynningar tölvupóstur bæjarstjóra, dags. 4. janúar sl., þar sem hún staðfestir þátttöku Vesturbyggðar í verkefninu.

Lagt fram til kynningar tölvupóstur dags. 11. janúar 2023 frá Úrvinnslusjóð varðandi gjaldskrá fyrir greiðslur til sveitarfélaga vegna sérstakrar söfnunar og reiknilíkan.