Bæjarstjórn #350

Lagt fram erindi Vegagerðarinnar frá 10. júlí 2020 þar sem sótt er um framkvæmdaleyfi til Vesturbyggðar skv. 13. gr. skipulagslaga nr. 123/2010, fyrir byggingu Vestfjarðavegar um Dynjandisheiði um Penningsdal ofan við Pennuá og upp fyrir Þverdalsvatn, um 5.7km leið. Álit Skipulagsstofnunar um heildarframkvæmdina liggur fyrir dagsett 3. júlí 2020. Í umsókninni er einungis verið að sækja um leyfi fyrir hluta framkvæmdar sem er í samræmi við gildandi aðalskipulag Vesturbyggðar 2006-2018 og er óháð þeim valkostum sem lagðir hafa verið fram um Vatnsfjörð og Flókalund upp Penningsdal. Efni í framkvæmdina verður sótt í skeringar og meðfram vegi.

Meðfylgjandi umsókninni er framkvæmdalýsing og uppdrættir af fyrirhuguðum framkvæmdasvæðum.

Bæjarstjórn samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010.

Erindi frá Þórarni K. Ólafssyni og Arnhildi Ásdísi Kolbeins dags 15. júlí 2020. Í erindinu er sótt um framkvæmdaleyfi vegna lagningar 2 km háspennustrengs fyrir 11 kV dreifingu fyrir Dufansdal Efri sem og frístundabyggð í Dufansdal. Strengleiðin mun að hluta til fara um land Dufansdals Neðri og mun verða fengin heimild landeiganda fyrir því að plægja lögnina niður, þar sem hún þverar mela og neðsta hluta í túni býlisins. Með framkvæmdaleyfisumsókninni fylgdi yfirlitsuppdráttur af strengleiðinni og framkvæmdalýsing.

Bæjarstjórn samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010 þegar skriflegt samþykki landeiganda og jákvæð umsögn Minjavarðar og Fiskistofu liggja fyrir. Bæjarstjórn tekur undir með skipulags- og umhverfisráði og kallar eftir uppmælingu af legu strengsins í heild þegar framkvæmd er lokið. Framkvæmdaraðili skal gæta þess að rask á framkvæmdasvæðinu verði lágmarkað og vel gengið frá eftir framkvæmdir.

Erindi frá Hrafnshól ehf, dags. 12. ágúst 2020. Í erindinu er sótt um byggingarleyfi fyrir 257,4 m2 fjögurra íbúða húsi á tveimur hæðum að Lönguhlíð 16A, Bíldudal. Erindinu fylgja teikningar unnar af Studio F - arkitektum, dags. 21.júlí 2020.

Bæjarstjórn tekur undir með skipulags- og umhverfisráði og samþykkir byggingaráformin með fyrirvara um jákvæða niðurstöðu grenndarkynningar. Bæjarstjórn felur skipulagsfulltrúa að grenndarkynna framkvæmdina fyrir aðliggjandi lóðarhöfum. Útfæra þarf bílastæði fyrir húsin fyrir grenndarkynningu.

Erindi frá Hrafnshól ehf, dags. 12. ágúst 2020. Í erindinu er sótt um byggingarleyfi fyrir 257,4 m2 fjögurra íbúða húsi á tveimur hæðum að Lönguhlíð 16B, Bíldudal. Erindinu fylgja teikningar unnar af Studio F - arkitektum, dags. 21. júlí 2020.

Bæjarstjórn tekur undir með skipulags- og umhverfisráði og samþykkir byggingaráformin með fyrirvara um jákvæða niðurstöðu grenndarkynningar. Bæjarstjórn felur skipulagsfulltrúa að grenndarkynna framkvæmdina fyrir aðliggjandi lóðarhöfum. Útfæra þarf bílastæði fyrir húsin fyrir grenndarkynningu.

Erindi frá Eddu S. Ólafsdóttur o.fl. dags 10. ágúst 2020. Í erindinu er sótt um byggingarlóðina að Sigtúni 2, Patreksfirði. Samkvæmt umsókn er áætlaður upphafstími framkvæmda eftir 4-6 ár.

Lóðin stendur á skilgreindu B - hættusvæði ofanflóða.

Til máls tóku: Forseti, MÓÓ, bæjarstjóri, FM og MJ.

Bæjarstjórn samþykkir úthlutun lóðarinnar en vekur jafnframt athygli umsækjenda á því að samkvæmt núgildandi ákvæðum í lóðarleigusamningum skuli framkvæmdir vera hafnar innan árs og lokið innan þriggja ára frá útgáfu lóðarleigusamnings.

Erindi frá Eggert Björnssyni, dags. 10. ágúst 2020. Í erindinu er sótt um endurnýjun lóðarleigusamnings fyrir Mikladalsveg 5, Patreksfirði. Erindinu fylgir tillaga að nýrri afmörkun lóðar.

Bæjarstjórn samþykkir endurnýjun lóðarleigusamningsins og nýja afmörkun.

Erindi frá Unnsteini L. Jenssyni, dags. 17. júlí 2020. Í erindinu er sótt um endurnýjun lóðarleigusamnings fyrir Aðalstræti 11, Patreksfirði. Erindinu fylgir tillaga byggingarfulltrúa að nýrri afmörkun lóðar.

Bæjarstjórn samþykkir endurnýjun lóðarleigusamningsins.

Erindi frá Strönd ehf, dags. 30. júlí 2020. Í erindinu er sótt um endurnýjun lóðarleigusamnings fyrir Saumastofuna Krossholtum Barðaströnd, landnr. 139840.

Til máls tóku: Forseti, FM og bæjarstjóri.

Bæjarstjórn samþykkir endurnýjun lóðarleigusamningsins.

Erindi frá Pétri Bjarnasyni, dags. 10. ágúst 2020. Í erindinu er sótt um endurnýjun lóðarleigusamnings fyrir Smiðjustíg 1, Bíldudal. Erindinu fylgir tillaga byggingarfulltrúa að nýrri afmörkun lóðar.

Bæjarstjórn samþykkir endurnýjun lóðarleigusamningsins.

Þórkatla Soffía Ólafsdóttir víkur af fundi á meðan erindið er tekið til afgreiðslu.

Erindi frá Oddi Þ. Rúnarssyni, dags. 11. ágúst 2020. Í erindinu er sótt um endurnýjun lóðarleigusamnings fyrir Aðalstræti 10, Patreksfirði.

Bæjarstjórn samþykkir endurnýjun lóðarleigusamningsins.

Þórkatla Soffía Ólafsdóttir kemur aftur inná fundinn.

Lögð fram til kynningar fundargerð 75. fundar skipulags- og umhverfisráðs sem haldinn var 14. ágúst 2020. Fundargerðin er í 11 liðum.

Forseti víkur af fundi á meðan fundargerð hafna- og atvinnumálaráðs er tekin til umfjöllunar og afhendir fundarstjórn til varaforseta.

Lögð fram til kynningar fundargerð 22. fundar hafna- og atvinnumálaráðs sem haldinn var 17. ágúst 2020. Fundargerðin er í 4 liðum.

Forseti kemur aftur inná fundinn og tekur við fundarstjórn af varaforseta.