Fasteignir Vesturbyggðar #70

Tekið fyrir erindi Katrínar Pétursdóttur frá 3. janúar 2019 um leyfi til að setja upp 2 metra hátt hundagerði á lóð við Sigtún 35 á Patreksfirði. Stjórn felur framkvæmdastjóra í samvinnu við tæknideild Vesturbyggðar að kalla eftir nánari útfærslu gerðisins frá bréfritara og kynna íbúum í nærliggjandi íbúðum fyrirhugaða framkvæmd skv. erindinu. Afgreiðslu erindisins frestað fram að næsta fundi.

Tekinn fyrir tölvupóstur Eddu Kristínar Eiríksdóttur dags. 1. mars 2019 þar sem tilgreindar eru ábendingar um ástand eignar að Sigtúni 29 á Patreksfirði. Stjórn felur framkvæmdastjóra í samvinnu við tæknideild Vesturbyggðar að framkvæma úttekt á íbúðinni og áætla kostnað við mögulegar endurbætur sem kynnt verði stjórn á næsta fundi.

Stjórn ræddi sölumeðferð á eign félagsins Bjarkargötu 8, á Patreksfirði sem auglýst var til sölu á heimasíðu Vesturbyggðar 5. febrúar 2019. Framkvæmdastjóri fór yfir fyrirspurnir og skoðanir eignarinnar á tímabilinu. Stjórn felur framkvæmdastjóra að skrá eignina til sölu á fasteignasölu.

Rætt um skipun fulltrúa Fasteigna Vesturbyggðar í húsfélögum fjölbýlishúsa þar sem félagið á eignir. Fyrrverandi starfsmenn Vesturbyggðar eiga nú sæti í nokkrum húsfélögum. Stjórn leggur til að framkvæmdastjóri tilnefni fulltrúa fyrir hönd Fasteigna Vesturbyggðar í þau húsfélög þar sem félagið á eignir.

Stjórn felur framkvæmdastjóra að ganga frá útgáfu skuldabréfs vegna byggingar lyftuhús við Kamb, Aðalstræti 4 á Patreksfirði.

Lögð fram til kynningar reglugerð um húsnæðisáætlanir sveitarfélaga nr. 1248/2018. Framkvæmdastjóri fór yfir vinnu við gerð húsnæðisáætlunar fyrir Vesturbyggð.