Fræðslu og æskulýðsráð #38

Leikskólinn Araklettur á Patreksfirði heimsóttur. Hallveig Ingimarsdóttir skólastjóri fór með nefndarfólki um skólahúsnæðið og kynnti starfið.

Arnheiður Jónsdóttir félagsmálastjóri Vesturbyggðar sat fundinn undir þessum lið og fór yfir þau mál sem snúa að hennar starfi þegar kemur að æskulýðsmálum. Farið var yfir málefni Ungmennaráðs sem hefur verið starfandi undanfarin ár en það hefur reynst erfitt að halda ráðinu gangandi og virku.
Félagsmiðstöðvarnar á svæðinu hafa aukið samstarf sitt og hittast reglulega og vinna að sameiginlegum verkefnum. Haldin hafa verið böll og námkskeið. Arnheiður bendir á að brýnt er að bæta aðstöðu félagsmiðstöðvarinnar á Bíldudal. Eins þarf að finna nýja aðstöðu fyrir félagsmiðstöðina á Patreksfirði.

Til kynningar fyrirkomulag skólaþjónustu fyrir skólaárið 2017-2018. Vesturbyggð kaupir þjónustu af Tröppu sem býður uppá fjölbreytta, tal- atferlis og kvíðameðferð í fjarþjónustu og hefur sú þjónusta komið mjög vel út fyrir sveitarfélagið og gerir það að verkum að hægt er að bjóða uppá góða þjónustu í heimabyggð sem annars þyrfti að sækja á höfuðborgarsvæðið eða annað. Elmar Þórðarson talmeinafræðingur/námsráðgjafi og Ásþór Ragnarsson sálfræðingur koma reglulega líkt og verið hefur undanfarin ár.

Niðurstöður samræmdra prófa fyrir 4. og 7. bekk lagðar fram til kynningar.