Fræðslu- og æskulýðsráð #90

Tómstundafulltrúi kom inn á fundinn og sagði frá vinnu við að koma nýju Ungmennaráði Vesturbyggðar saman en hún hefur lagt sig fram við að fá ungmenni frá báðum grunnskólunum og á mismunandi aldri í ráðið eins og reglur Vesturbyggðar gera ráð fyrir. Einnig sagði hún frá áætlunum um ungmennaþing í Vesturbyggð.

Farið var yfir starfsáætlun Fræðslu- og æskulýðsráðs fyrir árið 2024 og er hún byggð á vinnuni sem var unnin í tengslum við skólastefnu Vesturbyggðar.

Drög að menntastefnu Vestfjarða lögð fram til kynningar. Vestfjarðastofa hefur verið í forsvari við vinnu að menntastefnu Vestfjarða og felur stefnan í sér sameiginlegar hugsjónir og áherslur íbúa á Vestfjörðum í menntunar-og færðslumálum. Stefnan nær til fjórðungins alls og er hún hugsuð sem heildræn sýn fyrir öll skólastig.

Leikskólastjóri Arakletts lagði fram starfsáætlun innra mats fyrir árið 2023-2024.

Lögð fram til kynningar Íslenska æskulýðsrannsóknin. En Íslenska æskulýðsrannsóknin er rannsókn sem Háskóli Íslands framkvæmir fyrir Mennta og barnamálaráðuneytið. Markmið rannsóknarinnar er að safna gögnum um upplifun barna og ungmenna af ýmsum þáttum sem tengjast eigin velferð. Niðurstöður á hverjum tíma skapa aðstæður til að bregðast við snemmbæru inngripi og stuðningi við börn og fjölskyldur þeirra eins og kveðið er á um í löggjöf um samþætta þjónustu í þágu farsældar barna.

Skólastjóri Tónlistaskóla Vesturbyggðar fór yfir starfsáætlun skólans.

Skólastjóri Arakletts fór yfir starfsáætlun skólans.