Hafna- og atvinnumálaráð #13

Farið yfir mögulegan geymslustað fyrir stálþil sem nota á við framkvæmdir við Bíldudalshöfn. Skipulags- og umhverfisráð bókaði um málð á 64. fundi sínum að lögð yrði áhersla á að stálþilið yrði staðsett innan hafnarsvæðis.

Hafna- og atvinnumálaráð felur hafnarstjóra að ræða við notendur hafnarinnar um geymslustað innan hafnarsvæðis í takt við umræður á fundinum.

Hafnarstjóri kynnti drög að breytingum á gjaldskrá hafnasjóðs Vesturbyggðar.

Hafnarstjóri fór yfir tillögur að sérgreindum verkefnum hafnasjóðs Vesturbyggðar fyrir árið 2020.

Hafnarstjóri fór yfir tekjur vegna skemmtiferðaskipa á Patrekshöfn á árinu 2019, einnig kynnti hafnarstjóri hugmyndir að breytingum á kynningarefni.

Farið yfir skilgreiningu hafnarsvæða hafna Vesturbyggðar, ytri og innri hafna.

Tekið fyrir erindi Umhverfisstofnunar þar sem vakin er athygli á flotbryggju sem liggur undir skemmdum við Flókatóftir á Brjánslæk.

Hafna- og atvinnumálaráð felur hafnarstjóra að kanna með kostnað við flutning á bryggjunni til Patreksfjarðar, ennfremur felur ráðið hafnarstjóra að tryggja bryggjuna svo ekki hljótist frekara tjón eða mengun af bryggjunni.