Hafna- og atvinnumálaráð #21

Erindi frá Sjávarútvegsmiðstöð Háskólans á Akureyri, dags. 10. júlí. Í erindinu er óskað eftir fjárstuðningi við Sjávarútvegsskóla unga fólksins í Vesturbyggð sem áætlað er að halda vikuna 20-24. júlí. Þetta er verkefni sem hefur verið rekið á Austurlandi og á Norðurlandi frá árinu 2013 og er samstarf vinnuskóla byggðarlaga, sjávarútvegssfyrirtækja og Sjávarútvegsmiðstöðvar Háskólans á Akureyri. Í skólanum fá starfsmenn vinnuskólans á aldrinum 14-17 ára fræðslu um fiskeldi og tengdar greinar.

Hafna- og atvinnumálaráð samþykkir að styrkja Sjávarútvegsskóla unga fólksins í Vesturbyggð um 100.000.

Tekin fyrir breyting á deiliskipulagi hafnarsvæðis á Patreksfirði eftir auglýsingu. Erindi vísað til hafna- og atvinnumálaráðs frá 74. fundi skipulags- og umhverfisráðs. Breytingartillagan var auglýst með athugasemdafresti til 18. júní 2020. Engar athugasemdir bárust frá almenningi en Olíudreifing gerði athugasemd við tillöguna og benti á reglugerð 188/1990 um eldfima vökva og fjarlægðamörk sem þar gilda sem og afgreiðslulagnir félagsins er liggja um lóðina. Skilmálum þess efnis var bætt við tillöguna. Svæðið er eingöngu ætlað undir meltutanka.

Hafna- og atvinnumálaráð samþykkir að tillagan fái málsmeðferð í samræmi við 42. gr. skipulagslaga nr. 123/2010.

Erindi frá íslenska Kalkþörungafélaginu dags. 29. maí. Erindi vísað til hafna- og atvinnumálaráðs frá 74. fundi skipulags- og umhverfisráðs. Í erindinu er sótt um byggingarleyfi fyrir útlitsbreytingum og endurbótum á iðnaðarhúsi er stendur á Strandgötu 2, matshl 05. Á 35. fundi skipulags- og umhverfisráðs samþykkti ráðið niðurrif á húsinu.

Hafna- og atvinnumálaráð samþykkir byggingaráformin og breytt áform varðandi niðurrif.

Þórkatla Soffía Ólafsdóttir og Iða Marsibil Jónsdóttir fulltrúar í bæjarráði Vesturbyggðar komu inn á fundinn.

Björn Hembre forstjóri Arnarlax hf. kom inn á fundinn og kynnti langtímaáform fyrirtækisins.

Þórkatla Soffía Ólafsdóttir og Iða Marsibil Jónsdóttir véku af fundi.

Erindi frá Skipulagsstofnun dags. 3. júlí. Í erindinu er vakin athygli á að kynning á tillögu Hafrannsóknastofnunar að afmörkun eldissvæða fyrir fiskeldi í sjó stendur yfir hjá Skipulagsstofnun til 7. ágúst næstkomandi. Ákvörðun Hafrannsóknastofnunar um eldissvæði er forsenda þess að sjávarútvegsráðherra geti úthlutað svæðum til fiskeldis í sjó.

Lagt fram til kynningar.

Lagt fram til kynningar minnisblað Verkís, dags. 28. maí 2020 varðandi niðurrif á Straumnes húsinu, Patreksfirði. Erindinu vísað til gerðar fjárhagsáætlunar.