Hafna- og atvinnumálaráð #37

Eva Dögg Jóhannsdóttir kom inn á fundinn og fór yfir matsskyldufyrirspurn Arctic Sea Farm með hafna- og atvinnumálaráði.
Valdimar Bernódus Ottósson vék af fundi.

Lagt fram bréf Skipulagsstofnunar dags. 20. janúar 2022 þar sem óskað er umsagnar Vesturbyggðar um matsskyldufyrirspurn vegna noktunar umhverfisvænna ásætuvarna Arctic Sea Farm í Patreks- og Tálknafirði. Óskað er umsagnar um hvort og á hvaða forsendum ofangreind framkvæmd skuli háð mati á umhverfisáhrifum að teknu tilliti til 2. viðauka laga um mat á umhverfisáhrifum nr. 106/2000.

Eva Dögg Jóhannsdóttir vék af fundi.

Hafna- og atvinnumálaráð telur að á fullnægjandi hátt sé gerð grein fyrirhugðum áformum og umhverfisáhrifum þeirra. Miðað við fyrirliggjandi gögn, mælingar og fyrri úrskurð Skipulagsstofnunar í sambærilegu máli telur Hafna- og atvinnumálaráð að framkvæmdin sé ekki háð mati á umhverfisáhrifum.

Hafnar- og atvinnumálaráð vill benda á að framkvæmdin er háð starfsleyfi frá Umhverfisstofnun samkvæmt lögum um hollustuhætti og mengunarvarnir og reglugerð um losun frá atvinnurekstri og mengunarvarnaeftirlit.

Valdimar Bernódus Ottósson kom aftur inn á fundinn.

Tekin fyrir tillaga að deiliskipulagi Brjánslækjarhafnar, uppdráttur og greinargerð dagsett í janúar 2022.

Tilgangur deiliskipulagsins er að búa til skipulagsramma utan um athafnasvæði hafnarinnar og þá uppbyggingu sem fyrirhuguð er á næstunni.

Skipulags- og umhverfisráð lagði til á 92. fundi sínum að í 3.mgr 5. kafla bls 13 í greinagerð um einbýlishús verði texta skipt út fyrir eftirfarandi: Sunnan við hjallinn er lítið einbýlishús sem er víkjandi á svæðinu. Á uppdrætti verði hús merkt sem víkjandi. Þá lagði skipulags- og umhverfisráð til á sama fundi að tillagan yrði samþykkt.

Hafna- og atvinnumálaráð leggur til að afstaða flotbryggju verði snúið um 90° í takt við óskir smábátasjómanna á Brjánslæk. Þá leggur ráðið til að við svæði þar sem núverandi trébryggja stendur og út að nýjum grjótgarði verði trébryggja á skipulaginu.

Hafna- og atvinnumálaráð samþykkir tillöguna og mælist til að tillagan verði auglýst skv. 1. mgr. 41. gr. skipulagslaga nr. 123/2010.

Erindi frá Grími Grétarssyni f.h. grásleppusjómanna á Patreksfirði, dags. 11.febrúar 2022 . Í erindinu er vakin athygli á fjölgun og nýliðun báta sem stunda grásleppuveiðar frá Patreksfirði og jafnframt óskað eftir því að settur verði á löndunargluggi um helgar þar sem ekki verði rukkað útkall á löndunaraðila.

Hafna- og atvinnumálaráð samþykkir að settur verði til prufu löndunargluggi á sunnudagsmorgnum á höfnum Vesturbyggðar á tímabilinu apríl og út ágúst 2022. Ekki verði rukkað sérstakt útkallsgjald á þessum tíma, tíminn skal vera frá 08:00-12:00 og þurfa bátar að vera komnir í land fyrir 11:30 ætli þeir sér að ná glugganum. Hafnarstjóra falið að útfæra frekar og koma í framkvæmd.

Erindi frá Jóni Þórðarssyni, dags. 22.01.22 . Í erindinu er óskað meðmæla vegna endurnýjunar á skírteini hafnsögumanns.

Hafna- og atvinnumálaráð mælir með endurnýjun hafnsöguskírteinis Jóns Þórðarsonar kt. 180856-3239, Gilsbakka 8, 465 Bíldudal, fyrir hafnir Vesturbyggðar.

Lagt fram til kynningar erindi hafnarstjóra varðandi heimild til fjarvigtunar á Brjánslæk.

Lögð fram til kynningar ákvörðun Skipulagsstofnunar um matsskyldu vegna fyrirhugaðra framkvæmda við Brjánslækjarhöfn dags. 1. febrúar 2022.

Skipulagsstofnun metur sem svo að fyrirhuguð framkvæmd sé ekki líkleg til að hafa í för með sér umtalsverð umhverfisáhrif, sbr. þau viðmið sem tilgreind eru í 2. viðauka laga um umhverfismat framkvæmda og áætlana. Því skal framkvæmdin ekki háð mati á umhverfisáhrifum.

Samkvæmt 30. gr. laga um umhverfismat framkvæmda og áætlana má kæra ákvörðunina til
úrskurðarnefndar umhverfis- og auðlindamála. Kærufrestur er til 7. mars 2022.

Lögð fram til kynningar fundargerð frá 441. fundi stjórnar Hafnarsambands Íslands.