Hafna- og atvinnumálaráð #54

Lögð fram drög að gjaldskrá Hafnasjóðs Vesturbyggðar fyrir 2024.

Hafna- og atvinnumálaráð samþykkir framlagða gjaldskrá.

Þann 17. apríl 2019 samþykkti Hafna- og atvinnumálaráð að úthluta Odda hf. byggingarlóðinni á mótum Eyrargötu og Patrekshafnar. Á fundi ráðsins þann 2. desember 2020 var framlenging úthlutuninnar samþykkt.

Ekki hefur verið framvinda á uppbyggingu á lóðinni. Lóðin er ætluð undir hafnsækna starfsemi.

Hafna- og atvinnumálaráð felur Hafnarstjóra að afturkalla úthlutunina og endurauglýsa byggingarlóðina.

Farið yfir leigumál í Verbúðinni.

Tekin fyrir tillaga að breytingu á deiliskipulagi Bíldudalshafnar. Breytingin felst í því að sameinaðar eru lóðir Strandgötu 14a, 14c og 14d í eina lóð undir heitinu Strandgata 14a. Strandgata 10-12 er minnkuð og hýsir nú einungis vatnshreinsistöð og geyma tengda meltuvinnslu. Í skipulaginu er lagt til að lóð sem áður var Strandgata 14e verði að Strandgötu 14c.

Skipulags- og umhverfisráð lagði til á 111. fundi sínum þann 8. nóvember að húsnúmerum verði breytt samkvæmt eftirfarandi í skipulaginu:
Núverandi Strandgata 10-12 verði Strandgata 8.
Strandgata 14A verðir Strandgata 10.
Strandgata 14B verði Strandgata 12.
Strandgata 14C verði Hafnarteigur 4B.

Þá lagði ráðið til við Hafna- og atvinnumálaráð að tillagan verði samþykkt m.v. ofangreint og tillagan verði afgreidd skv. 1. mgr. 41. gr. skipulagslaga nr. 123/2010.

Hafna- og atvinnumálaráð samþykkt tillögur skipulags- og umhverfisráðs varðandi breytingar á skipulaginu og leggur til við bæjarstjórn að tillagan verði afgreidd skv. 1. mgr. 41. gr. skipulagslaga nr. 123/2010.

Lagður fram tölvupóstur Umhverfis-, orku- og loftslagsráðuneytis varðandi mál nr.
216/2023, "Skýrsla um mat á þörf fyrir varnarvirki og viðbúnað vegna ofanflóðahættu á
atvinnusvæðum á Íslandi" dags. 1. nóvember 2023. í tölvupóstinum er óskað umsagnar.

Hafna- og atvinnumálaráð felur hafnarstjóra að senda inn umsögn í samræmi við
umræður á fundinum.

Lagður fram tölvupóstur frá Elvari Steini Traustasyni, f.h. Arctic Sea Farm, dags. 25. október 2023, þar sem tilkynnt er um meðhöndlun gegn fiski- og laxalús í Arnarfirði. Áætlaður meðhöndlunartími var frá 26. október 2023 þar til meðhöndlun er lokið.

Lögð fram fundargerð 457. fundar stjórnar Hafnasambands Íslands til kynningar.