Hafnarstjórn #153

Tekið fyrir erindi frá Halldóri Árnasyni með athugasemdum við ástand Brjánslækjarhafnar vegna smábátaaðstöðu. Hafnarstjórn þakkar góðar ábendingar og bendir á að nú þegar hefur ákveðnum hluta ábendinganna verið komið í farveg. Áfram er unnið að því að bæta aðstöðu eftir því sem komið er við.
Siglingasvið Vegagerðarinnar hefur skilað tillögum til Vesturbyggðar um legu á nýjum varnargarði við Brjánslækjarhöfn og þær aðgerðir sem gerðar eru við höfnina eru nýttar í þágu þess verkefnis. Til að mynda var efni úr dýpkun hafnarinnar síðast liðið haust, sett inn fyrir höfnina á þann stað sem nýr garður mun rísa. Unnið er áfram að því að þrýsta á Vegagerðina til að koma verkefninu inn á áætlun.

Lögð fram umsókn frá Einari S. Ólafssyni, fyrir hönd Íslenska Kalkþörungafélagsins um niðurrif á húseign félagsins að Strandgötu 2 og byggingarleyfi á sömu lóð fyrir 730m2 iðnaðarhúsi. Erindinu fylgja aðaluppdrættir unnir af Friðrik Ólafssyni dags. 25.04.2017 sem og samþykki Minjastofnunar fyrir niðurrifunum. Hafnarstjórn samþykkir niðurrif á húseigninni á Strandgötu 2, en óskar eftir frekar viðræðum við íslenska Kalkþörungafélagið um útfærslu á fyrirhugaðri byggingu félagsins á Strandgötu 2. Erindi vegna nýbyggingar á lóðinni frestað.

Umsókn frá Einari S. Ólafssyni f.h. Íslenska Kalkþörungafélagsins um lagningu á löndunarlögn við utanverða stórskipahöfn á Bíldudal.
Hafnarstjórn samþykkir lagningu á löndunarlögn skv. fyrirliggjandi teikningu. Verkið skal vinna í samráði við hafnaryfirvöld.

Erindi frá Gunnari S. Eggertssyni f.h. Vélaverkstæðis Patreksfjarðar. Í erindinu er sótt um leyfi til að steypa u.þ.b. 500 m2 plan utan við aðstöðu fyrirtæksins á Vatneyri. Hafnarstjórn samþykkir erindið en vekur athygli á að engin lóð fylgir umræddu húsi og gæta verður að því að planið skarist ekki við veg sem liggur milli hússins og Orkubús skv. gildandi deiliskipulagi. Ennfremur vill hafnarstjórn minna á að ef Vesturbyggð þarf í framtíðinni að nýta lóðina vegna breytinga á skipulagi, þá fellur afnotarétturinn niður.

Lagt fram til kynningar.

Lagt fram til kynningar.

Lögð fram til kynningar hugmynd að hleðsluramp við húsnæði Arnarlax við Strandgötu 1, Bíldudal. Hafnarstjórn tekur jákvætt í hugmyndir fyrirtækisins um hleðslurampinn. Forstöðumanni tæknideildar falið að vinna að lokaútfærslu á nýrri akstursleið inn á hafnarsvæðið í samráði við fyrirtækin á svæðinu.