Menningar- og ferðamálaráð #25

Steinunn og Hlynur boðuðu forföll, ekki náðist að boða varamenn í þeirra stað.

Jón Árnason setti fundinn sem aldursforseti og bauð fundarmenn velkomna.

Jón lagði til að Ásgeir Sveinsson yrði formaður ráðsins. Samþykkt samhljóða.

Ásgeir tók við stjórn fundarins og lagði til að Anna Vilborg Rúnarsdóttir yrði varaformaður. Samþykkt samhljóða.

Umræðum um fundartíma verður frestað til næsta fundar.

Lagðar voru fyrir styrkbeiðnir sem bárust ráðinu fyrir fjórðu og síðustu úthlutun ársins 2022. Alls bárust fjórar umsóknir.

1. Bríet Arnardóttir sækir um styrk fyrir jólaskóginn í Drengjaholti í Patreksfirði. Sótt er um 100 þúsund króna styrk.

Menningar- og ferðamálaráð samþykkir styrkbeiðnina.

2. Sögufélag Barðastrandarsýslu sækir um styrk fyrir útgáfu árbókar Barðastrandarsýslu. Sótt er um 140 þúsund króna styrk.

Menningar- og ferðamálaráð samþykkir að veita styrk að upphæð 100 þúsund krónur í samræmi við reglur sjóðsins.

3. Andrew J. Yang sækir um styrk fyrir vetrartónleika Píanóhátíðar Vestfjarða. Sótt er um 79.225 króna styrk.

Menningar- og ferðamálaráð samþykkir styrkbeiðnina.

4. Foreldrafélag Bíldudalsskóla sækir um styrk fyrir jólaball foreldrafélagsins. Sótt er um styrk sem nemur andvirði leigu félagsheimilisins Baldurshaga.

Menningar- og ferðamálaráð samþykkir styrkbeiðnina.

Menningar- og ferðamálafulltrúi Vesturbyggðar lagði fyrir ráðið lokadrög að verkferli við val á umsóknum í Framkvæmdasjóð ferðamannastaða. Samþykkt samhljóða.