Samráðsnefnd Vesturbyggðar og Tálknafjarðarhrepps #61

Arnheiður Jónsdóttir, félagsmálastjóri og sviðsstjóri fjölskyldusviðs Vesturbyggðar mætti inn á fundinn og fór yfir þær breytingar sem verða á lagaumhverfi í þjónustu við börn í samræmi við breytingar á barnaverndarlögum og lögum um samþættingu þjónustu í þágu farsældar barna.

Óskar Leifur Arnarsson, starfandi forstöðumaður Minjasafnsins kom inn á fundinn og kynnti ársreikning Minjasafns Egils Ólafssonar fyrir árið 2020 ásamt drögum að fjárhagsáætlun ársins 2022.

Samráðsnefnd frestar afgreiðslu til næsta fundar.

Framkvæmdastjórar sveitarfélaganna fóru yfir stöðu mála vegna brunavarna og ræddar mögulegar breytingar í samstarfi sveitarfélaganna í málaflokknum.

Samráðsnefnd felur sveitarstjóra Tálknafjarðarhrepps og bæjarstjóra Vesturbyggðar að vinna áfram að málinu.

Framkvæmdastjórar sveitarfélaganna fóru yfir stöðu almenningssamgangna á sunnanverðum Vestfjörðum.

Lagður fram tölvupóstur frá Vegagerðinni dags. 7. október 2021, um framtíð ferjusiglinga á Breiðafirði. Í tölvupóstinum kemur fram að ekki standi til að skipta Breiðafjarðarferjunni Baldri út fyrir ferju sem uppfyllir nútíma kröfur um öryggi og aðbúnað á meðan að núverandi samningur við rekstraraðila er í gildi.

Samráðsnefnd telur ákvörðunina algjörlega óásættanlega og kallar eftir skýrum svörum frá Vegagerðinni um hvernig öryggi farþega Baldurs sé tryggt og hvert viðbragðið sé verði samskonar óhöpp og urðu í júlí 2020 og mars 2021 þar sem Baldur varð vélavana á leið sinni um Breiðafjörð.

Bæjarstjóra Vesturbyggðar og sveitarstjóra Tálknafjarðarhrepps falið að kalla eftir svörum frá Vegagerðinni og leggja fyrir á næsta fundi samráðsnefndar.

Rætt um Innviðaáætlun Vestfjarða sem er til vinnslu hjá Vestfjarðastofu.

Lagður fram samfélagssáttmáli um fiskeldi á Vestfjörðum frá 15. júlí 2021.

Lagt fram til kynningar boð á aðalfund Byggðasamlags Vestfjarða um málefni fatlaðs fólks sem fram fer 22. október 2021 á Ísafirði.

Lagt fram til kynningar boðun á 66. Fjórðungsþing Vestfirðinga, 22. - 23. október 2021 sem fram fer á Ísafirði.