Skipulags og umhverfisráð #41

Erindi tekið fyrir öðru sinni eftir grenndarkynningu. Á síðasta fundi ráðsins sem haldinn var þann 16.10.17 var skipulagsfulltrúa falið að fá álit hjá Skipulagsstofnun um hvort að grenndarkynning væri næg kynning á verkefninu eða hvort að þörf væri á deiliskipulagi.

Álit skipulagsstofnunar barst þann 24.október s.l.

Í ljósi álits skipulagsstofnunar leggur skipulags- og umhverfisráð til við hafnarstjórn að breytingin verði samþykkt og byggingarleyfi gefið út fyrir útskipunarrampi.

Ennfremur leggur skipulags- og umhverfisráð til við hafnarstjórn að farið verði í endurskoðun á deiliskipulagi hafnarsvæðisins á Bíldudal og hafnarsvæðið útvíkkað meðfram hafnarbraut á Bíldudal.

Lögð fram tillaga að samþykkt varðandi kattahald í Vesturbyggð í samræmi við breytingartillögur Heilbrigðiseftirlits Vestfjarða.

Skipulags- og umhverfisráð samþykkir framlagða samþykkt um kattahald í Vesturbyggð.

Erindi frá teiknistofu GINGA f.h. Jóns Árnasonar. Í erindinu er óskað eftir breytingu á deiliskipulagi hafnarsvæðis Patreksfjarðar. Breytingin fellst í því að á lóð þar sem áður voru tveir byggingareitir verður einn reitur og mænisstefna snýr þvert á það sem áður var. Jafnframt er gata sem gert var ráð fyrir lögð niður og í stað hennar verður aðkoma að athafnasvæði norðaustan húss annarsvegar frá Aðalstræti og hinsvegar frá Eyrargötu eins og áður var.

Skipulags- og umhverfisráð samþykkir fyrir sitt leyti breytingu á byggingarreit og lokun vegar að hluta og vísar málinu áfram til hafnarstjórnar Vesturbyggðar.

Erindi frá Vesturbyggð og Þuríði Ölmu Karlsdóttur. Í erindinu er sótt um byggingarleyfi fyrir þaki á bílskúr við Sigtún 17-19, Patreksfirði. Erindinu fylgja aðaluppdrættir unnir af Hugsjón dags. 08.11.2017.

Skipulags- og umhverfisráð samþykkir erindið og felur byggingarfulltrúa útgáfu byggingarleyfis.