Undirbúningsstjórn vegna sameiningar Vesturbyggðar og Tálknafjarðarhrepps #6

Lögð fyrir drög að skilaskýrslu undirbúningsstjórnar til nýs sameinaðs sveitarfélags Tálknafjarðarhrepps og Vesturbyggðar.

Ráðgjafi sveitarfélagsins vegna sameiningar Vesturbyggðar og Tálknafjarðarhrepps fór yfir drög að skilaskýrslu undirbúningsstjórnar til nýs sameinaðs sveitarfélags. Áfram verður unnið að drögum að skilaskýrslu undirbúningsstjórnar og verður hún lögð fram að nýju á næsta fundi undirbúningsstjórnar.

Undirbúningsstjórn samþykkti sérstaklega tillögu að staðsetningu starfsfólks sem fyrir sameiningu heyrir beint undir sveitarstjóra Tálknafjarðarhrepps í sameiginlegu skipuriti sameinaðs sveitarfélags.

Umræða um laun kjörinna fulltrúa í sameinuðu sveitarfélagi.

Formaður undirbúningsstjórnar vegna sameiningar Vesturbyggðar og Tálknafjarðarhrepps leggur til við undirbúningsstjórn að formaður og varaformaður, ásamt verkefnastjóra, sveitar- og bæjarstjórum komi fram með tillögu að breytingum á launum kjörinna fulltrúa í nýju sveitarfélagi.

Undirbúningsstjórn samþykkir tilllögu formanns um undirbúning tillögu að breytingum á launum kjörinna fulltrúa í nýju sveitarfélagi og að tillagan verði lögð fram á fundi undirbúningsstjórnar.

Rætt um sveitarfélaganúmer nýs sameinaðs sveitarfélags Tálknafjarðarhrepps og Vesturbyggðar.

Undirbúningsstjórn samþykkir samhljóða að nýtt sameinað sveitarfélag muni bera núverandi sveitarfélaganúmer Tálknafjarðarhrepps 4604.

Verkefnastjóri um sameiningu Tálknafjarðarhrepps og Vesturbyggðar fer yfir stöðu vinnunnar.

Ákveðið var að halda næsta fund undirbúningsstjórnar vegna sameiningar Vesturbyggðar og Tálknafjarðarhrepps þriðjudaginn 23. apríl n.k.