Bæjarráð #659

Lögð fram fundargerð bæjarráðsfundar nr. 658.

Lagt fram erindi frá Orkubúi Vestfjarða þar sem óskað er eftir framkvæmdaleyfi vegna lagningar sæstrengs í Patreksfjörð. Bæjarráð Vesturbyggðar samþykkir að veita Orkubúi Vestfjarða framkvæmdaleyfi vegna lagninga sæstrengs í Patreksfirði.

Lagt fram kauptilboð frá Guðjóni Bjarnasyni í Aðalstræti 71a að upphæð 700 þúsund krónur. Vesturbyggð er eigandi af 16,66% hlut af húsnæðinu. Allir húseigendur hafa samþykkt framlagt tilboð í húseignina. Bæjarráð Vesturbyggðar samþykkir framkomið tilboð.

Lagt fram erindi frá Þresti Reynissyni þar sem gerð er athugasemd við samþykkt um hundahald í Vesturbyggð.
Bæjarráð tekur jákvætt í erindið og felur bæjarstjóra að koma með útfærslu á reglugerðinni í ljósi athugasemda frá Þresti G. Reynissyni.

Lögð fram drög að fjárhagsáætlun og gjaldskrá fyrir fyrir fjárhagsáætlun 2013.

Unnið er að gerð frekari gagna sem verða afhent á fundinum

Lögð fram ályktun frá félagsfundi Lögreglufélags Vestfjarða þar sem þungum áhyggjum er lýst yfir niðurskurði á fjárheimildum til lögreglunnar á Vestfjörðum.
Bæjarráð Vesturbyggðar tekur undir áhyggjur Lögreglufélags Vestfjarða og hvetur stjórnvöld til að endurskoða fjárheimildir þannig að Lögreglan geti sinnt verkefnum sínum.

Lagt fram til kynningar úthlutun atvinnuvegaráðuneytis á byggðakvóta fyrir fiskveiðiárið 2012-2013.
Patreksfirði er úthlutað 164 þorskígildistonnum og Bíldudal 118 þorskígildistonnum. Ekki er úthlutaður byggðakvóti fyrir Brjánslæk.