Bæjarráð #795

Lagt fram minnisblað dags.2. mars sl. frá Smára Haraldssyni um nám í fiskeldi og fiskeldisrannsókunum í Vesturbyggð.
Bæjarráð felur bæjarstjóra að ganga til samninga við Smára Haraldsson sem verkefnastjóra til að kanna möguleika á að koma á fót námi í fiskeldi og fiskeldisrannsóknum á sunnanverðum Vestfjörðum. Bæjarráð tilnefnir Gerði B. Sveinsdóttur, verkefnastjóra samfélagsuppbyggingar í sem fulltrúa sveitarfélagsins í samstarfshóp um verkefnið.

Lagt fram bréf dags. 25. febrúar sl. með boð á XXXI. landsþing Sambands ísl. sveitarfélag sem haldið verður í Reykjavík 24. mars nk.
Bæjarráð felur formanni bæjarráðs og bæjarstjóra að sækja fundinn.

Lagt fram bréf ásamt fylgiskjölum dags. 23. febrúar sl. frá Eignarhaldsfélaginu Brunabótafélag Íslands þar sem auglýst er eftir umsóknum úr styrktarsjóði 2017 vegna sérstakra framfaraverkefna á vegum sveitarfélaga .
Lagt fram til kynningar.

Lagt fram bréf ásamt fylgiskjölum dags. 16. febrúar sl. frá Sýslumanninum á Vestfjörðum með beiðni um umsögn vegna umsóknar um rekstrarleyfi að reka gistingu samkvæmt gistiflokki II að Aðalstræti 71, Patreksfirði.
Bæjarráð gerir ekki athugasemd við veitingu rekstrarleyfis að reka gistingu samkvæmt gistiflokki II að Aðalstræti 71 Patreksfirði, fastanr. 212-3719. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Gámaþjónustu Vestfjarða ehf eða aðra sambæriliega aðila um förgun á sorpi sem fellur til við starfsemi gistiheimilisins. Rekstraraðili sýni einnig fram á að nægjanlegur fjöldi bílastæða fylgi starfsemi gistiheimilisins við Aðalstræti 71.

Lagt fram kauptilboð í Stekka 21 frá Stekkabóli ehf.
Bæjarstjóri falið að leggja fram gagntilboð.

Lagt fram drög að samstarfssamningi á milli Lionsklúbbs Patreksfjarðar og Vesturbyggðar um rekstur Skjaldborgarbíós.
Bæjarráð felur bæjarstjóra að yfirfara samningsdrögin og ganga til samninga við forsvarsmenn Lionsklúbbs Patreksfjarðar.

Bæjarráð Vesturbyggðar mótmælir boðuðum niðurskurði samgönguráðherra í vegagerð í Gufudalssveit og á Dynjandisheiði. Vestfirðingar hafa um áratugaskeið barist fyrir bættum vegsamgöngum um sunnanverða Vestfirði og senda nú ákall til stjórnvalda um að staðið verði við þau fyrirheit sem gefin hafa verið um framkvæmdir í Gufudalssveit. Það er algjört skilyrði að framkvæmdin verði boðin út um leið og framkvæmdaleyfi liggur fyrir.

Lagt fram bréf dags. 27. febrúar sl. frá Umhverfisstofnun með ósk um tilnefningu fulltrúa í samstarfshóp um friðlýsingu á Látrabjargi innan jarðarinnar Hvalllátra auk Bæjarbjargs.
Bæjarráð tilnefnir Friðbjörgu Matthíasdóttur, bæjarstjóra í samráðshópinn sem fulltrúa Vesturbyggðar.

Lögð fram fundargerð 847. fundar stjórnar Sambands ísl. sveitarfélaga frá 24. febrúar 2017.
Lagt fram til kynningar.