Bæjarráð #801

Lagður fram viðauki 2 við fjárhagsáætlun 2017 að upphæð 6,5 millj.kr. nettó vegna innviðauppbyggingar á Bíldudal, sölu fasteignarinnar Stekkar 21, framkvæmda við Aðalstræti 75 og breytingar á útistandandi skammtímakröfum. Viðaukinn hækkar handbært fé.
Bæjarráð samþykkir viðauka 2 við fjárhagsáætlun 2017 og vísar erindinu til bæjarstjórnar.

Lögð fram tillaga dags. 16. maí 2017 frá félagsmálastjóra um laun og inntökuskilyrði fyrir unglinga í Vinnuskóla Vesturbyggðar sumarið 2017.
Bæjarráð samþykkir tillögu félagsmálastjóra um launataxta og inntökuskilyrði fyrir unglinga í Vinnuskóla Vesturbyggðar sumarið 2017.
Lagt fram bréf dags. 10. maí sl. frá Steindóri Sigurgeirssyni með umsókn um lóðina Vesturbotni lóð 1 (Stekkjareyri) landnr. 139934, lóðarnr. 00072001 vegna byggingar heilsárshúss.
Bæjarráð samþykkir erindið og felur skipulagsfulltrúa að úthluta lóðinni.

Lögð fram skýrslan „Úttekt á starfi íþróttafulltrúa og HHF“ ódags. frá Páli Vilhjálmssyni, íþróttafulltrúa á sunnanverðum Vestfjörðum.
Lagt fram til kynningar.

Lagt fram bréf ásamt fylgiskjölum dags. 11. maí sl. frá Sýslumanninum á Vestfjörðum með beiðni um umsögn vegna umsóknar um rekstrarleyfi að reka gististaðinn Hótel Flókalund samkvæmt gistiflokki IV í Vatnsfirði, Vesturbyggð.
Bæjarráð gerir ekki athugasemd við veitingu rektrarleyfis að reka gistingu samkvæmt gistiflokki IV í Hótel Flókalundi, fastanr. 212-3016. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Gámaþjónustu Vestfjarða ehf eða aðra sambærilega aðila um förgun á sorpi sem fellur til við starfsemi gististaðarins.

Lagt fram bréf ásamt fylgiskjölum dags. 10. maí sl. frá Sýslumanninum á Vestfjörðum með beiðni um umsögn vegna umsóknar um rekstrarleyfi að reka gistingu samkvæmt gistiflokki II að Dalbraut 11, Bíldudal.
Bæjarráð gerir ekki athugasemd við veitingu rekstrarleyfis að reka gistingu samkvæmt gistiflokki II að Dalbraut 11 Bíldudal, fastanr. 212-4828. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Gámaþjónustu Vestfjarða ehf eða aðra sambærilega aðila um förgun á sorpi sem fellur til við starfsemi gistiheimilisins.
Rekstraraðili sýni einnig fram á að nægjanlegur fjöldi bílastæða fylgi starfsemi gistiheimilisins að Dalbraut 11.

Lagt fram bréf dags. 29. mars sl. ásamt fylgiskjölum frá undirbúningshópi Skjaldborgarheimildamyndahátíðar með beiðni um styrk árið 2017. Gerður B. Sveinsdóttir, verkefnastjóri samfélagsuppbyggingar sat fundinn undir þessum dagskrárlið.
Bæjarráð samþykkir 200.000 kr. styrkveitingu til undirbúningshóps Skjaldborgarhátíðarinnar og bókist styrkurinn á bókhaldsliðinn 05089-9990.

Bæjarráð minnir á vorhreingerningardagana í maí þar sem íbúar eru hvattir til að taka þátt að huga að görðum og rusli í nærumhverfi sínu. Sömuleiðis hvetur Vesturbyggð fyrirtæki í sveitarfélaginu til að hreinsa rusl og taka til á lóðum og í umhverfi sínu. Vakin er athygli á að sveitarfélögum er heimilt að beita sektarákvæðum samkvæmt mannvirkjalögum gagnvart þeim aðilum sem ekki fara eftir ábendingum um hreinsun lóða sinna.

Lagt fram bréf dags. 12. maí sl. frá Náttúrustofu Vestfjarða með boð á ársfund stofunnar sem haldinn verður miðvikudaginn 31. maí 2017 að Aðalstræti 21, Bolungarvík og hefst fundurinn kl. 14:00.
Bæjarráð felur bæjarstjóra og skrifstofustjóra að sækja ársfundinn.

Lagt fram bréf dags. 2. maí sl. frá Landskerfi bókasafna hf með boð á aðalfund félagsins sem haldinn verður miðvikudaginn 24. maí 2017 að Katrínartúni 2, Reykjavík og hefst fundurinn kl. 14:00.
Lagt fram til kynningar.

Lögð fram fundargerð héraðsþings Héraðssambandsins Hrafna-flóka, sem haldinn var á Bíldudal þann 18. apríl sl.
Lagt fram til kynningar.

Lagt fram tölvubréf dags. 8. maí sl. frá Þjóðskjalasafni Íslands með beiðni um umsögn um drög að reglugerð um rekstur héraðsskjalasafna.
Bæjarráð vísar erindinu til atvinnu- og menningarráðs.

Lagt fram tölvubréf dags. 3. maí sl. frá velferðarnefnd Alþingis með beiðni um umsögn um frumvarp til laga um félagsþjónustu sveitarfélaga (innleiðing samnings SÞ um réttindi fatlaðs fólks, stjórnsýsla og húsnæðismál), 439. mál.
Lagt fram til kynningar.

Lagt fram tölvubréf dags. 5. maí sl. ásamt fylgiskjali frá allsherjar- og menntamálanefnd Alþingis með beiðni um umsögn um frumvarp til laga um kosningar til sveitarstjórna (kosningaaldur), 190. mál.
Lagt fram til kynningar.