Bæjarráð #902

Freymar Marinósson kom inn á fundinn og kynnti starfsemi Trausts kjarna, félagasamtaka sem aðstoðar fólk með geðrænar áskoranir til að ná betri tökum á heilsusamlegu líferni og komast aftur inn í samfélagið og á vinnumarkað.
Bæjarráð þakkar Freymari fyrir kynninguna.

Lagt fyrir minnisblað dags. 2. júlí 2020 unnið af Sambandi Íslenskra sveitarfélaga, efni minnisblaðsins eru forsendur fjárhagsáætlana 2021- 2024.

Farið yfir helstu forsendur rammaáætlunar 2020 og gjaldskrár Vesturbyggðar 2020 ræddar. Gjaldskrám vísað áfram til nefnda og sviða Vesturbyggðar sem falið er að koma með tillögur að breytingum á gjaldskrám ásamt tillögum að fjárfestingum, lagt fyrir á fundi bæjarráðs 5. október 2020.

Jafnframt verði drög að fjárfestingaáætlun Vesturbyggðar fyrir 2020 - 2023 lögð fyrir bæjarráð á sama fundi.

Bæjarráð samþykkir að vinna við fjárhagsáætlun 2021 - 2024 muni að hluta til fara fram á vinnufundum þar sem allir bæjarfulltrúar verða boðaðir. Greitt verður fyrir fundina með sama hætti og nefndarfundi I.

Lögð fram gögn vegna stofnunar Bæjartúns íbúðafélags hses. sem er húsnæðissjálfseignarstofnun sem starfar á grundvelli laga um almennar íbúðir nr. 52/2016 og laga um sjálfseignastofnanir sem stunda atvinnurekstur nr. 33/1999.

Bæjarráð Vesturbyggðar felur Bæjartúni íbúðafélagi hses. byggingu fjögurra íbúða á Bíldudal og felur bæjarstjóra að undirrita samning við Húsnæðis- og mannvirkjastofnun fyrir hönd Vesturbyggðar vegna veitingu stofnframlags ríkisins.

Bæjarstjóri fór yfir vinnu við samning vegna úthlutunar frístundalóða úr landi Vesturbyggðar við Tagl í Bíldudal.

Bæjarráð felur bæjarstjóra að vinna að málinu áfram í samræmi við umræður á fundinum.

Lagt fram bréf Gyðu áhugamannafélags dags. 30. júlí 2020 þar sem óskað er að Vesturbyggð tilnefni fulltrúa í nefnd um uppbyggingu gamalla húsa á Bíldudal í framhaldi af kynningarfundi félagsins 13. júlí sl.

Bæjarráð tilnefnir Rebekku Hilmarsdóttur og Iðu Marsibil Jónsdóttur fyrir hönd Vesturbyggðar í nefndina.

Lagt fram bréf frá Ólöfu S. Pálsdóttur, dags. 17. ágúst 2020 þar sem óskað er eftir niðufellingu fasteignagjalda á húsnæði saumastofnunnar á Krossholtum vegna óviðráðanlegra ástæðna.

Bæjarráð hafnar erindinu.

Sviðsstjóra fjármála- og stjórnsýslusviðs falið að vera í sambandi við bréfritara.

Lagt fram bréf Vestfjarðastofu um þjóðskóga á Vestfjörðum dags. 14. ágúst 2020. Í erindinu er farið yfir möguleikann á þjóðskógi í Vestur-Botni og á svæðinu við golfvöllinn á Patreksfirði. Meta þyrfti hvort um væri að ræða nytjaskjóg til skógarhöggs eða nytjaskógur til beitar. Þar er fyrirhugað sumarbústaðaland og þar myndi skapast enn betra útivistarsvæði með göngustígum, bílastæðum og bættum aðbúnaði. Þjóðskógur myndi fjölga störfum, skapa störf á nýju sviði, bæta ímynd varðandi umhverfismál, efla innviðauppbyggingu í Vestur-Botni til framtíðar.

Bæjarráð þakkar fyrir erindið og felur bæjarstjóra að óska eftir samtali við Vestfjarðastofu um uppbyggingu þjóðskóga í Vesturbyggð.

Lagt fram minnisblað sviðsstjóra fjölskyldusviðs dags. 24. ágúst 2020 vegna mötuneytis í Patreksskóla og Bíldudalsskóla. Í minnisblaðinu er lagt til að börnum í 1.-4. bekk standi til boða hádegisverður á föstudögum.

Bæjarráð samþykkir að bæta við máltíð á föstudögum fyrir 1. - 4. bekk. Mánaðargjald við hádegisverð mun ekki hækka við breytinguna.

Kostnaðarauki sem hlýst af breytingunni er innan fjárhagsáætlunar.

Lögð fram til kynningar skýrsla Miðstöðvar skólaþróunar Háskólans á Akureyri ásamt greiningu á rekstrarkostnaði skóla í Vesturbyggð.

Bæjarráð vísar skýrslunni til umfjöllunar í fræðslu- og æskulýðsráði.

Lögð fram til kynningar Ársskýrsla um starfsemi Ofanflóðanefndar 2009-2017.