Bæjarráð #916

Lagt fram bréf ásamt fylgiskjölum dags. 21. febrúar 2021 frá Sýslumanninum á Vestfjörðum með beiðni um umsögn vegna umsóknar um gististað í flokki 2 (gististaður án veitinga) að Haga, 451 Patreksfirði.

Bæjarráð gerir ekki athugasemd við veitingu leyfisins. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Terra umhverfisþjónustu hf. eða aðra sambærilega aðila um förgun á sorpi sem fellur til við starfsemi gististaðarins.

Lagt fram minnisblað frá Eflu verkfræðistofu vegna kostnaðar vegna viðauka við innviðagreiningu Vesturbyggðar frá 2019. Áætlaður kostnaður er um 1,5 m. kr.

Bæjarráð samþykkir að bæjarstjóra sé falið að vinna að málinu áfram og vísar því til gerðar viðauka.

Lögð fram tilboð vegna greiningar á hagkvæmni sameiningu sveitarfélaga á sunnanverðum Vestfjörðum. Óskað var tilboða frá þremur aðilum og skiluðu tveir aðilar tilboðum í verkið, annars vegar KPMG og RR ráðgjöf. Einnig lagt fram bréf til Jöfnunarsjóðs sveitarfélaga um framlag vegna greiningarinnar.

Bæjarráð samþykkir samhljóða að taka tilboði RR ráðgjöf að fjárhæð 2,4 m. kr. og vísar því til gerðar viðauka.

Lagður fyrir viðauki 1. við fjárhagsáætlun 2021 ásamt minnisblaði bæjarstjóra. Um er að ræða viðauka vegna tveggja verkefna að beiðni bæjarstjórnar Vesturbyggðar. Annars vegar vegna viðauka við innviðagreiningu Vesturbyggðar frá 2019, þar sem áætlaður kostnaður er 1,5 m. kr. Kostnaðinum verður mætt með handbærufé í B hluta. Hins vegar vegna könnunar og greiningu á hagkvæmni sameininga sveitarfélaga á sunnanverðum Vestfjörðum, þar er áætlaður kostnaður 2,4 m. kr. og verður kostnaðinum mætt með framlagi úr Jöfnunarsjóði sveitarfélaga.

Rekstrarkostnaður í A og B hluta eykst um 1,5 m. kr. og fer rekstrartap A og B hluta úr 29,5 m. kr. í 31 m. kr. Viðaukinn hefur ekki áhrif á rekstarniðurstöðu A hluta.

Bæjarráð samþykkir viðaukann og vísar honum til bæjarstjórnar til staðfestingar.

Bæjarstjóri fór yfir drög að frumathugun fyrir hjúkrunarrými við Heilbrigðisstofnun Vestfjarða á Patreksfirði.

Bæjarstjóra falið að vinna að málinu áfram.

Lagður fram til kynningar tölvupóstur frá nefndarsviði Alþingis dags. 22. febrúar 2021, þar sem óskað er umsagnar um frumvarp til laga um um stjórnarskipunarlög(kosningaaldur), 188. mál.

Lagður fram til kynningar tölvupóstur frá nefndarsviði Alþingis dags. 23. febrúar 2021, þar sem óskað er umsagnar um frumvarp til laga um breytingu á lögumum grunnskóla, nr. 91/2008 (kristinfræðikennsla).141. mál.

Lagður fram til kynningar tölvupóstur frá nefndarsviði Alþingis dags. 23. febrúar 2021, þar sem óskað er umsagnar um frumvarp til laga um matvæli (sýklalyfjanotkun), 140.mál.

Lagður fram til kynningar tölvupóstur frá nefndarsviði Alþingis dags. 24. febrúar 2021, þar sem óskað er umsagnar um frumvarp til laga um málefni innflytjenda (móttaka flóttafólks og innflytjendaráð), 452. mál.

Lagður fram til kynningar tölvupóstur frá nefndarsviði Alþingis dags. 2. mars 2021, þar sem óskað er umsagnar um frumvarp til laga um breytingu á lögum um kosningar til sveitarstjórna, nr. 5/1998, með síðari breytingum (kosningaaldur), 272. mál.

Lagður fram til kynningar tölvupóstur frá nefndarsviði Alþingis dags. 2. mars 2021, þar sem óskað er umsagnar um tillögu til þingsályktunar um hagkvæmnisathugun á uppbyggingu Skógarstrandarvegar, 259. mál.

Lagður fram til kynningar tölvupóstur frá nefndarsviði Alþingis dags. 4. mars 2021, þar sem óskað er umsagnar um frumvarp til laga um breytingu á lögum um hollustuhætti og mengunarvarnir, nr. 7/1998 (menntun og eftirlit), 562. mál.

Lögð fram til kynningar fundargerð 895. fundar stjórnar Sambands íslenskra sveitarfélaga.

Lagðar fram til kynningar fundargerðir stjórnar Breiðafjarðanefndar nr. 186 og 187.