Bæjarráð #936

Leikskólastjóri Arakletti og sviðsstjóri fjölskyldusviðs komu inn á fundinn. Rætt var um fjölgun barna á leikskólaaldri á Patreksfirði, biðlista og einnig rýmisþörf vegna starfsemi leikskólans til framtíðar.

Lagt fram erindi frá Bjargi íbúðafélagi dags. 3. febrúar 2022 þar sem óskað er eftir viðræðum um úthlutun lóðar og stofnframlags vegna byggingar leiguíbúða.

Bæjarráð felur bæjarstjóra að óska eftir nánari kynningu fyrir bæjarstjórn.

Lagt fram til kynningar erindi frá sambandi íslenskra sveitarfélaga og húsnæðis- og mannvirkjastofnun dags. 31. janúar 2022 þar sem boðað er til stofnfundar húsnæðissjálfseignarstofnunar (HSES) sem stuðli að uppbyggingu og framboði á almennum íbúðum utan höfuðborgarsvæðisins.

Lögð fram til kynningar beiðni allsherjar- og menntamálanefnd Alþingis dags. 25. janúar 2022 um umsögn um tillögu til þingsályktunar um upplýsingamiðlun um heimilisofbeldismál, 20. mál.

Lögð fram til kynningar beiðni efnahags- og viðskiptanefndar Alþingis dags. 26. janúar 2022 um umsögn um tillögu til þingsályktunar um úttekt á tryggingavernd í kjölfar náttúruhamfara, 12. mál.

Lagðar fram til kynningar niðurstöður aðalskoðunar leiksvæða á vegum Vesturbyggðar í samræmi við reglugerð um öryggi leikvallatækja og svæða og eftirlit með þeim nr. 942/2002.

Lögð fram til kynningar fundargerð 2. fundar samstarfshóps vegna gerðar stjórnunar- og verndaráætlunar fyrir Látrabjarg.

Lagðar fram til kynningar fundargerðir stjórnar Vestfjarðastofu af 37.-42. fundi stjórnarinnar ásamt starfsáætlun Vestfjarðastofu 2022.

Lögð fram til kynningar fundargerð 135. fundar stjórnar Náttúrustofu Vestfjarða 1. janúar 2022.