Bæjarráð #960

Lögð fram drög að ársreikningi Vesturbyggðar og stofnana hans fyrir árið 2022.

Bæjarráð vísar ársreikningi 2022 til fyrri umræðu í bæjarstjórn.

Lagður er fram tölvupóstur matvælaráðuneytsins, dags. 5. apríl 2023, þar sem Vesturbyggð er boðin þátttaka í samráði vegna stefnumótunar lagareldis.

Bæjarráð Vesturbyggðar þakkar erindið og þiggur boð um að taka þátt í samráðsferlinu. Bæjarstjóra er falið að svara erindinu.

Lagt fram bréf Eignarhaldsfélags Brunabótafélags Íslands, dags. 04. apríl 2023, þar sem vakin er athygli á styrktarsjóði EBÍ 2023. Tilgangur sjóðsins er að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálum í aðildarsveitarfélögum.

Bæjarstjóra falið að undirbúa umsókn um styrk.

Erindi frá Golfklúbbi Bíldudals, dags. 27. mars 2023. Í erindinu er sótt um heimild til viðbyggingar við húsnæði Golfklúbbsins að Hóli í Bíldudal. Áformað er að breyta þakformi og byggja við húsið geymslu fyrir golfbíla og kerrur.

Erindinu fylgja teikningar er sýna áformin.

Skipulags- og umhverfisráð tók erindið fyrir á 105. fundi sínum þar sem það samþykkir áformin og telur ekki vera þörf á grenndarkynningu þar sem þau varða ekki hagsmuni annarra en lóðarhafa og sveitarfélagsins sjálfs.

Bæjarráð samþykkir áformin fyrir sitt leyti sem landeigandi.

Fyrirspurn frá Búbíl ehf, ódags. Fyrirspurnin er þess efnis hvort að heimild fáist fyrir afnot að svæði yst við Tjarnarbraut og Lönguhlíð á Bíldudal. Hugmyndin er að staðsetja átta stakstæð hús sem hugsuð eru til útleigu fyrir ferðamenn. Erindinu fylgir yfirlitsmynd er sýnir hugmyndina.

Svæðið er í dag skilgreint skv. aðalskipulagi Vesturbyggðar 2018-2035 sem íbúðarsvæði ÍB16. Svæðið liggur á skilgreindu hættusvæði B skv. ofanflóðahættumati.

Skipulags- og umhverfisráð tók erindið fyrir á 105. fundi sínum og tók jákvætt í erindið en vakti athygli umsækjenda á að áformin eru háð aðalskipulagsbreytingu sem og deiliskipulagningu svæðisins. Þá eru einnig lóðamörk aðliggjandi lóða nokkuð á reiki á svæðinu og fól ráðið byggingarfulltrúa að staðfesta rétt lóðarmörk.

Skipulags- og umhverfisráð vísaði erindinu áfram til bæjarráðs með vísan til 3.mgr 5.gr reglna Vesturbyggðar um úthlutun lóða. (afþví að lóðirnar eru ekki auglýstar og hvort það væri vilji til að gera samning um svæðið hjá bæjarráði)

Bæjarráð tekur vel í erindið og felur bæjarstjóra að vinna málið áfram.

Lagt er fram erindi Úlfars Thoroddsen, dags. 3. mars 2023, þar sem gerðar eru athugasemdir við akstur utan vegar á Þúfneyri.

Málið var tekið fyrir á 105. fundi skipulags- og umhverfisráðs. Á fundinum var lagt til við bæjarráð að afmarkað yrði bílastæði á eyrinni.

Bæjarráð óskar eftir því að sviðstjóri umhverfis- og framkvæmdasviðs vinni kostnaðarmat og leggi fram við gerð fjárhagsáætlunar 2024.

Lagður fram til kynningar tölvupóstur frá Atvinnuveganefnd Alþingis dags. 31. mars sl. með beiðni um umsögn um frumvarp til laga um stjórn fiskveiða (svæðaskipting strandveiða).

Lagður fram til kynningar tölvupóstur frá Velferðarnefnd Alþingis dags. 28. mars sl. með beiðni um umsögn um frumvarp til breytingar á lögum um fjöleignahús ( gæludýrahald).

Lagður fram til kynningar tölvupóstur frá nefnda- og greiningarsviði Alþingis dags. 28. mars sl.
með beiðni um umsögn um tillögu til þingsályktunar um matvælastefnu til ársins 2040, 915. mál.

Lagður fram til kynningar tölvupóstur frá Atvinnuveganefnd Alþingis dags. 31. mars sl. með beiðni um umsögn um tillögu til þingsályktunar um matvælastefnu til ársins 2040.

Lagt fram til kynningar breytingu á boðun reglubundins eftirlits Umhverfisstofnunar ásamt nýrri gjaldskrá.

Einnig er lögð fram kynningar nýr gagnagrunnur stofnunarinnar um mengaðan jarðveg. Skjalið verður kynnt í reglubundnum eftirlitum ársins.

Lagðar eru fram til kynningar fundargerðir 141. og 142. fundar Náttúrustofu Vestfjarða sem haldnir voru 1. mars og 4. apríl 2023.

Lögð fram til kynningar 921., 922., 923. og 924. fundargerðir stjórnar Sambands íslenskra sveitarfélaga.

Lagður fram tölvupóstur frá Sambandi íslenskra sveitarfélaga dags. 23. mars sl. þar sem kynntar eru tillögur kjörnefndar að fulltrúa í stjórn sambandsins.

Lögð fram til kynningar niðurstaða eftirlitsskýrslu vegna vatnsveitu Bíldudals 20. mars 2023. Niðurstaða sýnatöku sýna að vatnið stenst gæðakröfu skv. 536/2001.

Lögð fram til kynningar auglýsing þar sem auglýst er eftir aðilum til grejaleitar og grenjavinnslu í Vesturbyggð.

Umsóknarfrestur er til 2 maí. 2023