Fræðslu og æskulýðsráð #27

Lagður fram tölvupóstur dagss. 19. ágúst sl. frá Tónlistarskóli Árnesinga varðandi tónlistarnám Ólafar Siguróskar Einarsdóttur við skólann. Óskað er samþykkis lögheimilissveitarfélags á greiðslu mótframlags með námi hennar. Fræðslu og æskulýðsráð samþykkir erindið og felur fræðslustjóra að sækja um framlag frá Jöfnunarsjóði sveitarfélaga.

Innritun í tónlistarskólann er hafin og fer vel af stað. Gert er ráð fyrir að kennsla hefjist þriðjudaginn 6. september. Von er á að ráðinn verði gítarkennari við skólann fljótlega.
Skólastjóri tónlistarskólans Einar Bragi mun sækja tónlistarþing á Ísafirði á föstudaginn.
Einar Bragi leggur áherslu á að mikilvægi þess að gert sé ráð fyrir auknu fjármagni til kaupa á hljóðfærum við gerð fjárhagsáætlunar.
Stefnt er á að taka þátt í tónlistarkeppninni Nótunni í vetur.
Fræðslu og æskulýðsráð leggur áherslu á að félagsmiðstöðinni verði fundið nýtt húsnæði svo húsnæði tónlistarskólans í Patreksskóla sem hefur verið samnýtt með félagsmiðstöð nýtist betur. Eins leggur ráðið áherslu á að framkvæmdum í Bíldudalsskóla verði flýtt svo tónlistarskólinn fái sér rými.

Farið yfir stöðuna í upphafi skólaárs í Leikskóla Vesturbyggðar. Búið er að ráða í stöðu sérkennslustjóra.
Á Leikskólum Vesturbyggðar er nánast fullmannað.
Á Arakletti eru um 43 börn og von á 3 í viðbót.
Á Tjarnarbrekku eru 13 börn.
Ákveðið var að gera könnun um lengdan opnunartíma meðal foreldra.

Skólastarfið fer vel af stað, búið er að ráða í allar stöður.
37 nemendur eru í Bíldudalsskóla, 15 á yngsta, 11 á miðstigi og 11 á unglingastigi. Farið verður með nemendur á mið og unglingastigi á Patreksfjörð á föstudögum líkt og verið hefur. Átta starfsmenn eru við skólann. Samningur er áfram við Tröppu sem sinnt hefur talþjálfun ásamt öðru. Signý Sverrisdóttir mun halda utan um sérkennsluna á Bíldudal. Sett hefur verið á laggirnar heimasíðan bildudalsskoli.is. Sex skráningar eru komnar fyrir börn í lengda viðveru á Bildudal en ennþá vantar starfsmann í 50% stöðu. Mikilvægt er að fundinn verði starfsmaður sem allra fyrst.

Skólastarfið byrjar vel, búið er að ráða í allar stöður við skólann. Samkennt er við 5-6 bekk, annars er engin samkennsla sem er nokkur breyting frá því sem verið hefur. Auka á áherslun á verklegar greinar. Samningur er áfram við Tröppu sem sinnt hefur talþjálfun ásamt öðru. Von er til þess að komið verði á tónmenntakennslu í vetur.
92 nemendur eru í Patreksskóla. Þrjár skráningar eru komnar í lengda viðveru á Patreksfirði og er það mikið áhyggjuefni að ekki skulu vera komnar fleiri skráningar.

Lagt fram til kynningar bréf frá mennta og menningarmálaráðuneytinu og innanríkisráðuneytinu þar sem grunn- og framhaldsskólar eru hvattir til að efla lýðræðisvitund barna og ungmenna með upplýstri umræðu um kosningar og lýðræði og mikilvægi þess að hver einstaklingur nýti sér kosningaréttinn.