Hafna- og atvinnumálaráð #7

Formaður fór yfir vettvangsferð ráðsins um Bíludalshöfn, Patrekshöfn og Brjánslækjarhöfn laugardaginn 30. mars 2019.

Lögð var fram tillaga um að Elfar Steinn Karlsson yrði skipaður hafnarstjóri fyrir hafnir Vesturbyggðar skv. 4. gr. hafnarreglugerðar fyrir hafnir Vesturbyggðar frá og með 1. maí nk.

Tillagan er samþykkt samhljóða.

Umsagnarbeiðni vegna fyrirhugaðrar framleiðsluaukningar Íslenska Kalkþörungafélagsins á Bíldudal.

Lögð fram beiðni Skipulagsstofnunar, dagsett 9. apríl 2019, um umsögn um hvort og á hvaða forsendum fyrirhuguð framleiðsluaukning Íslenska Kalkþörungafélagsins á Bíldudal skuli háð mati á umhverfisáhrifum laga nr. 106/2000 um mat á umhverfisáhrifum, dagsett í apríl 2019, unnin af Verkís hf.

Í dag hefur Íslenska Kalkþörungafélagið heimild til að framleiða allt að 85.000 tonn en óskað er nú eftir heimild til að auka framleiðslu kalks í 120.000 tonn, sem er u.þ.b. sú framleiðsla sem þarf til að fullnýta það magn af kalkþörungaseti sem Orkustofnun hefur heimilað að nýtt verði í Arnarfirði.

Hafna- og atvinnumálaráð gerir athugasemdir við það hve stuttur umsagnarfrestur er gefinn og felur bæjarstjóra að óska eftir framlengdum fresti á umsögn sveitarfélagsins. Ráðið felur bæjarstjóra og forstöðumanni tæknideildar að gera drög að umsögn.

Lagður fyrir tölvupóstur Halldórs Árnasonar um ábendingar vegna bókunar á fundi ráðsins 25. mars 2019 vegna Patrekshafnar.

Hafna- og atvinnumálaráð þakkar bréfritara fyrir ábendingarnar.

Erindi frá Odda hf. dags. 2. apríl 2019. Í erindinu er sótt um byggingarlóð á mótum Eyrargötu og Patrekshafnar til byggingar á húsnæði til vinnslu sjávarafla. Áætlað er að reisa 600 m2 límtrés- eða stálgrindarhús á reitnum.

Skipulags- og umhverfisráð samþykkti umsóknina fyrir sitt leyti á fundi ráðsins 15. apríl 2019. Hafnar- og atvinnumálaráð samþykkir umsóknina og felur hafnarstjóra að ganga frá lóðaleigusamningi við bréfritara um lóðina.

Lagður fram til kynningar ársreikningur Hafnarsambands Íslands fyrir árið 2018.

Lagður fram til kynningar tölvupóstur dags. 4. apríl 2019 frá Atvinnuveganefnd Alþingis með beiðni um umsögn um frumvarp til laga um breytingu á lögum um dýrasjúkdóma, 766. mál.

Fundargerð 411. fundar stjórnar Hafnarsambands Íslands lögð fram til kynningar.