Hoppa yfir valmynd

Hafna- og atvinnumálaráð #14

Fundur haldinn í Ólafshús, Aðalstræti 5, Patreksfirði, 18. nóvember 2019 og hófst hann kl. 16:00

Nefndarmenn
  • Valdimar Bernódus Ottósson (VBO) varamaður
  • Guðrún A. Finnbogadóttir (GAF) aðalmaður
  • Jörundur Garðarsson (JG) aðalmaður
  • Magnús Jónsson (MJ) aðalmaður
  • Valgerður Ingvadóttir (VI) aðalmaður
Starfsmenn
  • Elfar Steinn Karlsson (ESK) hafnarstjóri

Fundargerð ritaði
  • Elfar Steinn Karlsson hafnarstjóri

Almenn mál

1. Bíldudalshöfn. Endurbygging og lenging hafskipabryggju, framkvæmdaleyfi.

Erindi vísað til hafna- og atvinnumálaráðs frá 66.fundi skipulags- og umhverfisráðs.
Tekin fyrir umsókn um framkvæmdaleyfi, dagsett 8. nóvember 2019. Umsækjandi er Hafnasjóður Vesturbyggðar.
Sótt er um leyfi til endurbyggingar hafskipabryggju og tengingu hafskipabryggju við stórskipakant við Bíldudalshöfn.
Framkvæmdin felur í sér niðurrekstur á 117 stálþilsplötum, upptaka á grjóti (1400 m3). Ganga frá stagbita og stögum. Steypa 25 akkerissplötur. Steypa um 164 m langan kantbita með pollum, kanttré, stigum og þybbum og jarðvinna.

Meðfylgjandi erindinu eru yfirlitsuppdráttur, afstöðmynd og frekari hönnunargögn.

Framkvæmdin er í samræmi við Aðalskipulag Vesturbyggðar 2006-2018 og samþykkir hafna- og atvinnumálaráð fyrir sitt leyti að skipulagsfulltrúa verði heimilt að veita framkvæmdaleyfi sbr. 13. gr. skipulagslaga og reglugerð um framkvæmdaleyfi nr. 772/2010 á grundvelli aðalskipulags. Hafna- og atvinnumálaráð telur ekki vera þörf á grenndarkynningu framkvæmdaleyfis þar sem framkvæmdin er í samræmi við gildandi aðalskipulag og varðar ekki hagamuni annarra en sveitarfélagsins og nærliggjandi lóðarhafa sem hafa kallað eftir henni.

    Málsnúmer 1911069 3

    Skráðu netfangið þitt og við sendum tilkynningu ef það er skráð fundargerð með þessu málsnúmeri.


    2. Bíldudalshöfn. Dælulögn fyrir meltu.

    Erindi frá Arctic Protein ehf. Í erindi er sótt um leyfi til að leggja 100-150mm dælulögn á hafnbotn utan við grjótgarð er umlykur athafnasvæði Íslenska Kalkþörungafélagsins á Bíldudal. Dælulögnin er ætluð til að dæla meltu frá þjónustubátum í tanka sem staðsettir eru á lóðinni að Strandgötu 10-12, Bíldudal. Óskað er eftir heimild til að vinna að nánari útfærslu á legu lagnar sem og staðsetningu endabúnaðar í samráði við hafnarstjóra.

    Hafna- og atvinnumálaráð samþykkir erindið. Tryggja þarf góðan frágang á endabúnaði sem og festum, verkið skal unnið í samráði við notendur hafnarinnar og felur ráðið hafnarstjóra að fylgja því eftir.

      Málsnúmer 1911071

      Skráðu netfangið þitt og við sendum tilkynningu ef það er skráð fundargerð með þessu málsnúmeri.


      3. Bíldudalshöfn. Lenging Kalkþörungabryggju og endurbygging hafskipakants.

      Lagt fram bréf Vegagerðarinnar dags. 13. nóvember 2019. Í erindinu eru tilkynntar niðurstöður útboðsins: Bíldudalshöfn: Endurbygging og lenging hafskipabryggju 2019.

      Tilboð í verkið voru opnuð 12. nóvember s.l, eftirfarandi tilboð bárust.
      Bryggjuverk, Reykjavík: 199.169.000.- kr
      Sjótækni ehf., Tálknafirði: 179.618.916.- kr
      Ísar ehf., Kópavogi: 168.785.900.- kr
      Hagtak hf., Hafnarfirði: 138.404.250.- kr
      Áætlaður verktakakostnaður var 154.119.900.- kr

      Vegagerðin leggur til að gengið verði til samninga við lægstbjóðanda.

      Hafna- og atvinnumálaráð samþykkir að gengið verði til samninga við lægstbjóðanda, Hagtak hf.

        Málsnúmer 1907063 5

        Skráðu netfangið þitt og við sendum tilkynningu ef það er skráð fundargerð með þessu málsnúmeri.


        4. Patrekshöfn, umsókn um lóð undir meltutank.

        Erindi vísað til hafna- og atvinnumálaráðs frá 66.fundi skipulags- og umhverfisráðs.

        Erindi frá Arctic Protein hf. Í erindinu er sótt um 100 m2 lóð undir aðstöðu fyrir 270 m3 tank sem geyma á meltu frá laxeldisfyrirtækjum. Einnig er sótt um leyfi fyrir lögn frá tanki niður að hafnarkanti hafnar. Erindi fylgir teikning er sýnir fyrirhugaða framkvæmd unnin af 11 mávar teiknistofu dags. 07.11.2019.

        Hafna- og atvinnumálaráð samþykkir að útleigja lóðina undir meltutank. Hafna- og atvinnumálaráð telur ekki vera þörf á grenndarkynningu þar sem það varðar ekki hagsmuni annarra en umsækjenda og sveitarfélagsins sjálfs. Vandað skal til frágangs við endabúnað og staðsetja skal lögn í samráði við hafnarstjóra.

          Málsnúmer 1911070 5

          Skráðu netfangið þitt og við sendum tilkynningu ef það er skráð fundargerð með þessu málsnúmeri.


          5. Uppsetning 30 þús lítra gasolíutanks við Eyrargötu Patreksfirði

          Erindi frá Orkubú Vestfjarða ohf. Í erindinu er sótt um leyfi til að skipta út 20 þús. lítra olíutank við húsnæði OV við Eyrargötu, Patreksfirði. Fyrirhugað er að skipta tankinum út fyrir 30 þús. lítra tvöfaldan tank sem vaktar leka á bæði ytra og innra byrði.

          Hafna- og atvinnumálaráð samþykkir erindið.

            Málsnúmer 1911083

            Skráðu netfangið þitt og við sendum tilkynningu ef það er skráð fundargerð með þessu málsnúmeri.


            6. Atvinnumál í Vesturbyggð.

            Formaður fór yfir tillögur að eflingu atvinnuhluta hafna- og atvinnumálaráðs.

              Málsnúmer 1911096

              Skráðu netfangið þitt og við sendum tilkynningu ef það er skráð fundargerð með þessu málsnúmeri.


              7. Ábendingar varðandi atvinnumál.

              Lagt fram til kynningar erindi Halldórs Árnasonar, Patreksfirði varðandi atvinnumál í Vesturbyggð.

              Hafna- og atvinnumálaráð þakkar erindið.

                Málsnúmer 1911095

                Skráðu netfangið þitt og við sendum tilkynningu ef það er skráð fundargerð með þessu málsnúmeri.


                8. Hafnasjóður Vesturbyggðar - endurskoðun gjaldskrár.

                Lagt fram til kynningar drög að endurskoðaðri gjaldskrá hafnasjóðs Vesturbyggðar fyrir 2020. Helstu breytingar eru eftirfarandi:

                1. Almenn gjaldskrárhækkun er 2,5% eins og í öðrum gjaldskrám.

                2. Sett verður á sérstakt úrgangs- og förgunargjald sem skip skv. 11. gr. c laga um varnir gegn mengun hafs og stranda skulu greiða við komu í hafnir Vesturbyggðar.

                3. Uppsátursgjald verður innifalið í árgjaldi fyrir básabryggju á Patrekshöfn.

                4. Aflagjald af eldisfiski verður 0,7% og miðað verður við meðalverð eldisfisks skv. NASDAQ vísitölunni á þeim tíma sem eldisfiski er landað til vinnslu og/eða slátrunar í viðkomandi höfn.

                Hafna- og atvinnumálaráð samþykkir drög að endurskoðaðri gjaldskrá.

                  Málsnúmer 1907104 5

                  Skráðu netfangið þitt og við sendum tilkynningu ef það er skráð fundargerð með þessu málsnúmeri.


                  9. Erindisbréf nefnda - hafna- og atvinnumálaráð

                  Lagt fram til kynningar erindisbréf hafna- og atvinnumálaráðs.

                  Hafna- og atvinnumálaráð samþykkir erindisbréfið með þeim breytingum sem ræddar voru á fundinum. Hafnastjóra falið að koma tillögum að breytingu á erindisbréfi til bæjarstjóra.

                    Málsnúmer 1911094

                    Skráðu netfangið þitt og við sendum tilkynningu ef það er skráð fundargerð með þessu málsnúmeri.


                    Fundargerðir til kynningar

                    10. Nr. 415 fundur stjórnar Hafnasambands Íslands

                    Lagt fram til kynningar fundargerð nr. 415 frá stjórn Hafnarsambands Íslands.

                      Málsnúmer 1910052

                      Skráðu netfangið þitt og við sendum tilkynningu ef það er skráð fundargerð með þessu málsnúmeri.


                      11. Nr. 416 fundur stjórnar Hafnarsambands Íslands

                      Lagt fram til kynningar fundargerð nr. 416 frá stjórn Hafnarsambands Íslands.

                        Málsnúmer 1910218

                        Skráðu netfangið þitt og við sendum tilkynningu ef það er skráð fundargerð með þessu málsnúmeri.


                        Fleira ekki gert. Fundi slitið kl. 18:51