Hafna- og atvinnumálaráð #20

Erindi frá Arctic Protein hf, dags. 12. júní. Í erindinu er sótt um leyfi til að leggja tvær 200mm dælulagnir í jörðu frá Strandgötu 1, Bíldudal í gegnum hafnarsvæði niður á hafnarkant Bíldudalshafnar. Lagnirnar eru ætlaðar til að flytja meltu frá hafnarkanti að meltutönkum er standa við Strandgötu 10-12. Erindinu fylgir yfirlitsmynd ásamt sniði í skurð.

Hafna- og atvinnumálaráð samþykkir erindið. Frágangur yfirborðs skal klárast samhliða verkinu.

Erindi frá Breiðafjarðanefnd, dags. 15. júní. Í erindinu er óskað eftir tillögu frá hafna- og atvinnumálaráði um nýja staðsetningu fyrir upplýsingaskilti sem staðið hefur á hafnarsvæðinu við Brjánslækjarhöfn á vegum Breiðafjarðarnefndar. Á skiltinu er að finna upplýsingar um verndarsvæði Breiðafjarðar, sem verndað er með sérstökum lögum nr. 54/1995. Skiltið varð fyrir skemmdum í fyrra en búið er að lagfæra skiltið og fyrirhugað að setja það upp á ný.

Hafna- og atvinnumálaráð leggur til að skiltið verði staðsett nokkrum metrum utar en síðasta skilti.

Farið yfir málefni básabryggju við Patrekshöfn.

Hafna- og atvinnumálaráð felur hafnarstjóra að finna annað viðlegupláss innan hafnar fyrir stærri báta er hafa legið yst á básabryggjunni.

Formaður hafna- og atvinnumálaráðs fór yfir atvinnumál í sveitarfélaginu.

Hafnarstjóri fór yfir framkvæmdir sumarsins.

Hafnarstjóri upplýsti að erfiðlega hafi gengið að innheimta aflagjöld á árinu 2020. Vanskil vegna ógreiddra aflagjalda á fyrsta ársfjórðungi 2020 nema samtals 49 milljónum króna. Hafnarstjóra falið að skoða framkvæmdir ársins m.t.t. afkomu hafnasjóðs.

Lögð fram til kynningar tilkynning Arnarlax dags. 4. júní 2020. Í tilkynningunni er kynnt að dagana 9-12. júní muni Arnarlax í samvinnu við Matvælastofnun nota AlphaMax aflúsunarefni á eldisstöð sinni við Tjaldanes í Arnarfirði.

Lagður fram til kynningar, ársreikningur Hafnasambands Íslands fyrir árið 2019.

Lagðar fram til kynningar fundargerðir frá 423. og 424. fundum stjórnar Hafnarsambands Íslands.