Hafna- og atvinnumálaráð #25

Einar Óskar Sigurðsson kom inn á fundinn og kynnti hugmyndir að framtíðarmöguleikum Verbúðarinnar við Patrekshöfn.

Valdimar B. Ottósson vék af fundi.

Lagt fram bréf Skipulagsstofnunar dags. 30. október 2020 þar sem óskað er umsagnar Vesturbyggðar, hvort og á hvaða forsendum breyting á skilyrðum í starfsleyfi Arnarlax í Patreksfirði og Tálknafirði, skuli háð mati á umhverfisáhrifum að teknu tilliti til 2. viðauka laga um mat á umhverfisáhrifum nr. 106/2000. Breyting á starfsleyfi felur í sér að heimilt verði að notast við eldisnætur með ásætuvörn sem inniheldur koparoxíð. Vesturbyggð fékk frest til 18. nóvember nk. til að skila umsögn um málið.

Bæjarráð Vesturbyggðar tók umsagnarbeiðnina fyrir á 908. fundi sínum og bókaði eftirfarandi:

Bæjarstjóra falið að skila umsögn um breytinguna í samræmi við umræður á fundinum og með hliðsjón af umsögn sveitarfélagsins til umhverfisstofnunar dags. 17. júlí 2020 vegna sambærilegrar breytingar á starfsleyfi Arctic Sea Farm hf. og að undangenginni umfjöllun í hafna- og atvinnumálaráði.

Hafna- og atvinnumálaráð felur hafnarstjóra að skila umsögn ráðsins til bæjarstjóra.

Valdimar B. Ottósson kom aftur inn á fundinn.

Lagt fram bréf Vegagerðarinnar dags. 6. nóvember 2020. Í erindinu eru tilkynntar niðurstöður útboðsins: Bíldudalshöfn: Grjótgarður og útrás. Tilboð í verkið voru opnuð 3. nóvember s.l, eftirfarandi tilboð bárust:

Allt í járnum ehf: 110.390.700.- kr
JG Vélar ehf: 141.681.000.- kr
Lás ehf: 122.009.200.- kr

Áætlaður verktakakostnaður var 105.099.000.- kr

Vegagerðin leggur til að gengið verði til samninga við lægstbjóðanda. Hafna- og atvinnumálaráð samþykkir að gengið verði til samninga við lægstbjóðanda, Allt í járnum ehf.

Tekin fyrir umsókn um framkvæmdaleyfi, dagsett 9. nóvember 2019. Umsækjandi er Hafnasjóður Vesturbyggðar. Sótt er um framkvæmdaleyfi fyrir grjótgarði, breytingum á fráveitu og fyllingu innan fyrirstöðugarðs austan við núverandi höfn á Bíldudal.

Helstu tölur eru eftirfarandi:

Fylling undir grjótgarð um 15.000m3.
Útlögn grjóts og sprengds kjarna um 15.500m3.
Lagning 180m fráveitu-útrásar
Akstur fyllingarefnis í lón innan við fyrirstöðugarð um 40.000m3

Framkvæmdin er í samræmi við gildandi deiliskipulag hafnarsvæðis á Bíldudal.
Hafna- og atvinnumálaráð samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga og reglugerð um framkvæmdaleyfi nr. 772/2012 á grundvelli gildandi deiliskipulags fyrir svæðið.

Lagt fram fundarboð á Hafnarsambandsþing sem haldið verður rafrænt 27. nóvember 2020.
Fulltrúar Hafna Vesturbyggðar verða formaður hafna- og atvinnumálaráðs og hafnarstjóri.

Hafnarstjóri fór yfir hafnarsvæði á þéttbýlisuppdráttum af Bíldudal og Patreksfirði sem nú eru í forkynningu.

Hafna- og atvinnumálaráð leggur til að gert verði ráð fyrir auknu viðleguplássi fyrir báta sem og nýrri staðsetningu fyrir flotbryggju á þéttbýlisuppdrætti Bíldudals. Þá þarf að skilgreina betur nýjan stórskipakant við Patrekshöfn á þéttbýlisuppdrætti Patreksfjarðar.

Lögð fram drög að frumvarpi til laga um breytingu á hafnalögum nr. 61/2003.

Hafna- og atvinnumálaráð fagnar því að fram séu komin drög að frumvarpi til breytinga á hafnalögum nr. 61/2003, breytingar er snúa að gjaldtöku vegna eldisfisks en sveitarfélagið hefur lengi kallað eftir skýrara regluverki í tengslum við gjaldtöku vegna eldisfisks. Þá eru í frumvarpinu breytingar er snúa að rafrænni vöktun í höfnum, og innleiðingu á reglugerð Evrópuþingsins og ráðsins (ESB) 2017/352 um að setja ramma um veitingu hafnarþjónustu og um sameiginlegar reglur um gagnsæi í fjármálum fyrir hafnir.

Hafnarstjóra falið að skila inn umsögn vegna breytinga á frumvarpinu í samræmi við umræður á fundinum.

Lagður fram til kynningar tölvupóstur Jónu Fanneyjar Svavarsdóttur dags. 3. nóvember 2020, um yfirlýsingu baráttuhóps smærri fyrirtækja, einyrkja og sjálfstætt starfandi aðila í ferðaþjónustu.

Lögð fram til kynningar fundargerð frá 427. fundi stjórnar Hafnarsambands Íslands.

Hafnarstjóra falið að skoða breytingu á reglugerð um vigtun og skráningu sjávarafla sem hefur verið til kynningar í samráðsgátt.