Hafna- og atvinnumálaráð #47

Valdimar B. Ottósson vék af fundi við afgreiðslu málsins.

Erindi vísað til hafna- og atvinnumálaráðs frá 104. fundi skipulags- og umhverfisráðs.

Erindi frá Arnarlax, dags. 1. mars 2023. Í erindinu er sótt um lóðirnar að Strandgötu 14A, 14C og 14D á Bíldudal, þá er einnig sótt um að sameina lóðirnar við Strandgötu 10-12 sem fyrirtækið hefur á leigu. Sótt er um lóðirnar til byggingar á geymslu og starfsmannaaðstöðu fyrir eldissvæðin, fóðurgeymslu og aðra tengda starfsemi.

Lóðirnar eru allar skipulagðar sem iðnaðar- og athafnalóðir, stærðir eru eftirfarandi:

Strandgata 14A:885m2
Strandgata 14C:969m2
Strandgata 14D:1593m2

Sameinuð lóð yrði 7.073 m2.

Skipulags- og umhverfisráð tók jákvætt í erindið og lagði til við hafna- og atvinnumálaráð að samþykkt verði að úthluta Strandgötu 14A og 14D til félagsins.

Hafna- og atvinnumálaráð frestar afgreiðslu málsins og felur hafnarstjóra að ræða við Arnarlax um útfærslu húss og framtíðarskipulag um notkun lóðar.

Valdimar B. Ottósson kom aftur inn á fundinn.

Valdimar B. Ottósson vék af fundi við afgreiðslu málsins.

Erindi vísað til hafna- og atvinnumálaráðs frá 104. fundi skipulags- og umhverfisráðs.

Erindi frá Gunnlaugi B. Jónssyni f.h. Arnarlax ehf, dags. 1. mars 2023. Í erindinu er sótt um samþykki byggingaráforma fyrir breytingu á "Við Patrekshöfn", L140238. Áformað er að innrétta skrifstofur á þakhæð með tilheyrandi kvistum og útitröppum. Á neðri hæð verða innréttaðar 2 aðstöður fyrir sjódeildir en að öðru leyti verður hæðin nýtt fyrir fóðurgeymslu og geymslu. Erindinu fylgja aðaluppdrættir unnir af teiknistofu Ginga, dags. 28. febrúar 2023.

Skipulags- og umhverfisráð samþykkti áformin fyrir sitt leyti og vísaði málinu áfram til hafna- og atvinnumálaráðs.

Hafna- og atvinnumálaráð samþykkir áformin.

Valdimar B. Ottósson kom aftur inn á fundinn.

Bæjarstjóri kynnti stöðu á framkvæmdum við Vatneyrarbúð sem og áform um nýtingu hússins.

Lögð fram til kynningar skýrsla Bláma um áhrif orkuskipta á hafnarsvæðum á Vestfjörðum.

Lögð fram til kynningar drög að ársreikningi Hafnasambands Íslands fyrir árið 2022.