Hafnarstjórn #152

Lagðar fram til kynningar tvær hugmyndir að breyttri aðkomu að Bíldudalshöfn. Verið er að skoða möguleikann á því að loka fyrir umferð niður Hafnarbraut við húsnæði OV, þá yrði gerð ný aðkoma að höfninni við núverandi bílastæði fyrir smábátahöfnina.

Hafnarstjórn tekur jákvætt í hugmyndirnar og leggur áherslu á að reynt verði að fara með aðkomuna inn á höfnina sem næst húsinu að Hafnarbraut 2 og ennfremur að hugað verði að bílastæðamálum á svæðinu.

Tekið fyrir erindi Einar Sveins Ólafssonar fyrir hönd Íslenska Kalkþörungafélagsins dagsett 12.5. 2017 þar sem óskað er eftir því að lóðir félagsins að Strandgötu 2 og Hafnarteig 4 verði sameinaðar og skipulagi þeirra breitt.

Hafnarstjórn samþykkir að farið verði í sameiningu lóðanna, gegn því að höfnin fái meira athafnasvæði við Bíldudalshöfn.

Byggingarhlutfall á Strandgötu 2, skv. gildandi skipulagi er 0,49 sem heimilar byggingu að stærð allt að 735fm. Hafnarstjórn leggur áherslu á að með sameiningu lóðanna muni ný bygging ekki verða stærri en 1100 fm eða 50x22 m, miðað við að hún sé áföst núverandi húsi félagsins og byggð á nýjum lóðarmörkum.

Tekið fyrir erindi Einars Sveins Ólafssonar fyrir hönd Íslenska Kalkþörungafélagsins þar sem óskað er eftir því fá að girða lóð félagsins við Strandgötu 2.

Hafnarstjórn heimilar girðingu lóðar við Strandgötu 2, með vísan í bókun við 2. lið dagskrár, þar sem miðað verði lóðarmörk sameinaðrar lóðar.

Tekið fyrir að nýju umsókn Hagvonar um byggingar- og athafnalóð við Eyrargötu. Breyting á byggingarreit innan lóðar var grenndarkynnt með athugasemdarfresti til 12. maí 2017. Tvær athugasemdir bárust í einum tölvupósti dagsett 12. maí 2017 þar sem gerðar eru athugasemdir við breytinguna í nokkrum liðum.

Vegna athugasemda sem borist hafa við auglýsta grenndarkynningu, þá hafnar hafnarstjórn færslu hússins innan lóðar og úthlutar lóðinni án athafnalóðar, með vísan í afgreiðslu skipulags- og umhverfisráðs frá 34. fundi, 15. maí:

"Á grundvelli afgerandi athugasemda sem borist hafa við auglýsta grenndarkynningu þá getur skipulags- og umhverfisráð ekki heimilað færslu á byggingareit eins og óskað var eftir. Ennfremur í ljósi athugasemda sem bárust við grenndarkynninguna og að formleg úthlutun lóðar hafi ekki enn farið fram leggur skipulags- og umhverfisráð til við hafnarstjórn að úthlutun lóðar verði breytt og að eingöngu verði úthlutuð lóð undir iðnaðarhúsið sjálft, ekki athafnalóð umhverfis húsið."

Umsókn um lóð í Vatnskróki 8. Landnr. 140582. Fastanr. 212-4180
Hafnarstjórn samþykkir úthlutun lóðar í Vatnskróki 8.

Umsókn um lóð í Vatnskróki 15. Landnr. 140260. Fastanr. 212-4187
Hafnarstjórn samþykkir úthlutun lóðar í Vatnskróki 15.

Umsókn um lóð í Vatnskróki 16. Landnr. 140260. Fastanr. 212-4188
Hafnarstjórn samþykkir úthlutun lóðar í Vatnskróki 16.

Umsókn um lóð í Vatnskróki 18 Landnr. 140260. Fastanr. 212-4190
Hafnarstjórn samþykkir úthlutun lóðar í Vatnskróki 18.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.