Menningar- og ferðamálaráð #15

Á 11.fundi Menningar-og ferðamálaráðs þann 8.september 2020 var fjallað um erindi frá fulltrúum landeigenda Skápadals tengt uppbyggingu Garðars BA og svæðisins þar í kring. Menningar-og ferðamálafulltrúa var falið að stofna vinnuhóp með það að markmiði að vinna að hugmyndum um framtíðaráform Garðars BA, í samstarfi við landeigendur.

Menningar-og ferðamálaráð tilnefnir eftirfarandi aðila í vinnuhópinn;

Arnheiður Jónsdóttir - fulltrúi landeigenda
Sigurður Líndal - verkefnastjóri Vestfjarðastofu
Gunnþórunn Bender - framkvæmdastjóri Westfjords Adventures
Guðríður Hlín Helgudóttir - menningar-og ferðamálafulltrúi Vesturbyggðar

Lagt fyrir erindi dags. 29.mars 2021 frá Félagi áhugamanna um Skrímslasetur.

Félagið óskar eftir styrk til reksturs Skrímslasetursins á Bíldudal fyrir árið 2021 að upphæð 200 þúsund krónum.
Vesturbyggð hefur styrkt verkefnið frá árinu 2015. Skrímslasetrið var stofnað árið 2007 af sjö áhugamönnum sem vildu leggja Bíldudal lið í viðleitni til að auka framboð á atvinnu og laða að ferðamenn. Skrímslasetrið er í dag mikilvægur hlekkur þeirra fyrirtækja sem bjóða uppá menningar- og ferðamálatengda starfsemi.

Menningar-og ferðamálaráð leggur til að farið verði í samningagerð við Félag áhugamanna um Skrímslasetur og felur Menningar-og ferðamálafulltrúa í samstarfi við bæjarstjóra að fara í þá vinnu.

Frestað til næsta fundar.

Lagt fram til kynningar samstarfsverkefni Vesturbyggðar og landeiganda á Rauðasandi um styrk sem hlaust úr Framkvæmdasjóði ferðamannastaða fyrir skiltauppsetningu á Rauðasandi.

Lagt fram til umfjöllunar framtíðaráform tjaldsvæðisins á Bíldudal.

Í fjárhagsáætlun Vesturbyggðar 2021-2024 í framkvæmdakafla kemur fram að framlag verður veitt fyrir nýtt færanlegt salernishús við tjaldsvæðið við Byltu á Bíldudal en einnig verður á árinu undirbúið að finna tjaldsvæðinu á Bíldudal annan stað og er m.a. horft til þess að nýta svæði í kringum Lönguhlíð 20.