Samráðsnefnd Vesturbyggðar og Tálknafjarðarhrepps #59

Umræður um vetrarþjónustu Vegagerðarinnar á sunnanverðum Vestfjörðum.

Samþykkt að óska eftir sameiginlegum fundi sveitarfélaganna með Samgöngu- og sveitarstjórnarráðherra vegna vetrarþjónustu- og samgöngumála á sunnanverðum Vestfjörðum. Framkvæmdastjórum sveitarfélaganna falið að óska eftir slíkum fundi.

Tölvupóstur frá Vegagerðinni dags. 07.12.2020 varðandi aukaferðir ferjunnar Baldurs.

Nefndin telur rétt að horft sé til þess að fjölga þeim ferðum sem eru til úthlutunar úr sérstökum pottum og þannig komið til móts við þá þörf sem er til staðar til að fjölga ferðum ferjunnar Baldurs yfir Breiðafjörð. Þá áréttar nefndin að það er ekki skilgreint hlutverk sveitarfélaga að tryggja að samgöngur á milli landshluta séu í lagi. Það er hlutverk ríkisins og því nauðsynlegt að ríkisvaldið leggi til það fé sem þarf til að tryggja þá ferjuþjónustu sem nauðsynleg er.

Umræður um almenningssamgöngur á sunnanverðum Vestfjörðum og væntanlegt tilraunaverkefni vegna þeirra.

RH og ÓÞÓ gerðu grein fyrir stöðu þróunarverkefnis vegna almenningssamgangna.

Umræður um málefni Minjasafns Egils Ólafssonar á Hnjóti.

Formanni samráðsnefndar ásamt sveitarstjóra Tálknafjarðarhrepps falið að ganga frá tímabundnum breytingum vegna starfsmannamála í samráði forstöðumann safnsins.

Tölvupóstur frá Guðbjarti Á. Ólafssyni dags. 28.10.2020 varðandi lóðamál Byggðasafnins á Hnjóti. Jafnframt er lagt fram bréf frá landeigendum Hnjóts frá því í desember 2019 ásamt lóðauppdrætti.
Lagt fram til kynningar og rætt. Nefndin telur sig ekki geta tekið afstöðu í málinu út frá þeim forsendum sem fyrir liggja.

Umræður um tímasetningu á kynningarfundi vegna skýrslu Ráðríkrar um slökkvilið og sjúkraflutninga.

Nefndin telur rétt að fram fari sameiginlegur kynningarfundur fyrir báðar sveitarstjórnirnar vegna skýrslunnar og að hann verði í febrúar 2021.