Skipulags og umhverfisráð #25

Erindi frá Þóri Sveinssyni f.h. Vesturbyggðar. Í erindinu er sótt um leyfi til niðurrifs á Lönguhlíð 22 Bíldudal. Húsið stendur innan flóðfarvegs ofanflóðavarna við Búðargil. Í vor skall aurflóð á húsinu sem skemmdi það umtalsvert. Húsið hefur verið auglýst til útleigu en engar umsóknir bárust. Umsókninni fylgir jákvæð umsögn Minjastofnunar fyrir niðurrifinu en húsið er aldursfriðað.

Skipulags- og umhverfisráð samþykkir leyfi til niðurrifs og felur byggingarfulltrúa að vinna málið áfram.

Lagt fram til kynningar öðru sinni drög að samþykkt vegna kattahalds í Vesturbyggð.

Skipulags- og umhverfisráð felur forstöðumanni tæknideildar að óska umsagnar heilbrigðiseftirlits Vestfjarða um samþykktina.

Málinu frestað.

Tekið fyrir aftur erindi Jóhanns Svavarssonar f.h. Aðalstrætis 62 ehf. Skipulags- og umhverfisráð frestaði afgreiðslu hluta umsóknar á 9.fundi ráðsins þann 11.05.2015. Frestað var þeim hluta er snýr að stækkuðum byggingarreit.

Skipulags- og umhverfisráð samþykkir stækkun byggingarreits í samræmi við uppdrætti og felur skipulagsfulltrúa að vinna grenndarkynningu fyrir stækkunina. Vísað er til 20.gr reglugerðar um hættumat vegna ofanflóða, flokkun og nýtingu hættusvæða og gerð bráðabirgðahættumats nr. 505/2000.

Erindi frá Skipulagsstofnun. Óskað er umsagnar á aukinni framleiðslu Íslenska Kalkþörungafélagsins á Bíldudal, skv. bréfi dags. 04.07.2016 og greinargerð unnin af Verkís, dags. 24.06.2016. Erindi tekið fyrir aftur eftir umfjöllun bæjarráðs sem vísað erindinu til skipulags- og umhverfisráðs á 772. fundi sínum þann 26.07.2016.

Í greinagerð Verkís dags. 24.06.2016 er ágætlega gert grein fyrir efnistöku og umhverfi. Þó bendir ráðið á mótsagnir í kafla 3.10.1, Ryk og kafla 7.2, Mótvægisaðgerðir en í kafla 3.10.1 segir að vatnsskortur hafi hamlað fullkominni virkni vothreinsibúnaðar, en í kafla 7.2 segir að nýtt afar fullkomið rykhreinsivirki hafi nýverið verið tekið í notkun og hafi verið að skila tilætluðum árangri.
Lesa má í eftirlitsskýrslum Umhverfisstofnunar að Íslenska Kalkþörungafélagið hefur ekki náð nægum tökum á hreinsun útblásturs og leggur skipulags- og umhverfisráð þunga áherslu á að útblástur verði innan marka útgefins leyfis sem og að hávaði sé í samræmi við ákvæði reglugerðar nr. 933/1999, um hávaða.

Skipulagsstofnun birti með úrskurði sínum þann 3. mars 2003 að efnisnám úr Arnarfirði í Vesturbyggð og Ísafjarðarbæ hefði ekki í för með sér umtalsverð umhverfisáhrif, einnig kom fram í þeim úrskurði að verksmiðjan félli ekki undir ákvæði 1. og 2. viðauka við lög nr. 106/2000 um mat á umhverfisáhrifum.

Áform Íslenska Kalkþörungafélagsins eru að auka árlegt efnisnám til fullnýtingar á vinnsluleyfi, en á fyrstu árum verksmiðjunnar var efnisnám minna en leyfið tiltók.

Í ljósi þess að ekki er fyrirhugað að auka heildarefnisnám telur skipulags- og umhverfisráð Vesturbyggðar að umrædd framkvæmd sé ekki frekar háð mati á umhverfisáhrifum í dag en á árinu 2003 m.t.t. efnisnáms. Ráðið leggur þó áherslu á að verksmiðjan starfi innan þess leyfis- og lagaramma sem um starfsemi fyrirtækisins gildir.

Guðmundur V. Magnússon vék fund undir afgreiðslu málsins.