Bæjarráð #879

Lögð fram starfsáætlun bæjarráðs fyrir haustið 2019.

Lagt fyrir minnisblað sviðstjóra fjármála- og stjórnsýslusviðs þar sem farið er yfir helstu þætti vinnu við fjárhagsáætlunar 2020.

Bæjarráð samþykkir að vinna við fjárhagsáætlun 2020 muni að hluta til fara fram á vinnufundum þar sem allir bæjarfulltrúar verða boðaðir. Greitt verður fyrir fundina með sama hætti og nefndarfundi I.

Settur verður upp ábendingahnappur á heimasíðu Vesturbyggðar þar sem íbúum gefst kostur á að senda inn tillögur að verkefnum í tengslum við vinnu fjárhagsáætlunar 2020.

Formaður bæjarráðs lagði til að unnið verði átta mánaða uppgjör í samstarfi við KPMG og það kynnt í kjölfarið. Uppgjörið ætti að liggja fyrir um mánaðarmótin september/október. Kostnaðurinn við uppgjörið er um 300 þúsund og verður vinnan við það nýtt við endurskoðun fyrir árið 2019.
Samþykkt samhljóða.

Bæjarstjóri fór yfir stöðu á sölumeðferð eigna í eigu Vesturbyggðar og Fasteigna Vesturbyggðar.

Bæjarráð leggur til að óskað verði heimildar Ofanflóðasjóðs til að selja fasteignir að Lönguhlíð 18 og 20 á Bíldudal. Þá leggur bæjarráð einnig til að íbúð að Stekkum 13 á Patrekfirði verði auglýst til sölu.

Lögð fram áskorun til bæjarstjórnar Vesturbyggðar þar sem skorað er á Vesturbyggð að hefja undirbúning að byggingu sundlaugar á Bíldudal. Bæjarráð þakkar áskorunina og vísar henni til umræðna í bæjarstjórn.

Lagt fram tilboð Lás ehf. dags. 23. ágúst 2019 um afslátt af reikningum vegna gatnagerðar við Járnhól.
Bæjarráð felur bæjarstjóra að svara bréfritara á grundvelli umræðna á fundinum.

Bréf frá Breiðafjarðarnefnd dags. 5. september sl. lagt fram til kynningar.

Auglýsing á starfsleyfi Arctic Sea í Patreks- og Tálknafirði lagt fram til kynningar.

Áskorun dags. 20. ágúst sl. til umhverfisráðherra, ríkisstjórnar og sveitarfélaga Íslands frá Samtökum grænkera á Íslandi lögð fram til kynningar.

Fundargerð 873 fundar stjórnar Sambands íslenskra sveitarfélaga lögð fram til kynningar.

Fundargerð stjórnar sambands íslenskra sjávarútvegsfélaga lögð fram til kynningar.

Lagt fram til kynningar erindi frá Samgöngu- og sveitarstjórnarráðuneytinu til þátttakenda í minningardegi um fórnarlömb umferðaslysa sem fyrirhugaður er 17. nóvember nk.