Bæjarráð #926

Lögð fyrir opnunarskýrsla tilboða fyrir sorphirðu fyrir Vesturbyggð og Tálknafjarðarhrepp. Í verkið bárust þrjú tilboð. Geir Gestsson sviðsstjóri umhverfis- og framkvæmdasviðs Vesturbyggðar fór yfir tilboðin með bæjarráði.

Bæjarráð vísar málinu áfram til bæjarstjórnar til afgreiðslu.

Lagður fram tölvupóstur ásamt fylgigögnum dags. 4. ágúst 2021 þar sem óskað er eftir umsögn Vesturbyggðar um leyfi til að halda blústónleika í Félagsheimili Patreksfjarðar 3. september nk.

Bæjarráð Vesturbyggð gerir ekki athugasemd við veitingu leyfisins með þeim fyrirvara að gildandi sóttvarnarreglur heimili viðburðinn.

Erindi frá Sonju Ísafold Eliason, dags. 7.júlí 2021. Í erindinu er óskað eftir gerð lóðarleigusamnings fyrir Engjar 2, Patreksfirði. Erindinu fylgir lóðablað, dags. 26. apríl 2017.

Skipulags- og umhverfisráð lagði til við bæjarstjórn að erindið verði samþykkt.

Bæjarráð í umboði bæjarstjórnar samþykkir erindið.

Lagt fram bréf dags. 1. júní 2021 frá Gísla Gunnari Marteinssyni vegna fyrirhugaðarar lokunar á Siglunesvegni nr. 611 fyrir almennri umferð ökutækja. Í erindinu er óskað eftir áliti Vesturbyggðar á því að veginum verði lokað þar sem ekki liggi fyrir hver er veghaldari eftir að Vegagerðin sagði sig frá veginum og því ekki ljóst hver ber ábyrgð á viðhaldi.

Bæjarráð vísaði málinu áfram á 923. fundi sínum til skipulags- og umhverfisráðs til umsagnar.

Skipulags- og umhverfisráð tók málið fyrir á 87. fundi sínum þar sem það lagði til við bæjarráð að beiðni verði send til Vegagerðarinnar um að Siglunesvegur nr.611 verði aftur flokkaður sem héraðsvegur eða landsvegur, en á svæðinu er ýmiss atvinnustarfsemi svo sem heyskapur, skógrækt og aðgengi að vinsælum útivistarsvæðum og gönguleiðum.

Bæjarráð felur bæjarstjóra að senda erindi á Vegagerðina í samræmi við bókun skipulags og umhverfisráðs.

Lagður fyrir til kynningar töluvpóstur dags. 6. ágúst 2021 frá Umhverfisráðuneytinu þar sem farið er yfir í minnisblaði forsendugreiningu fyrir verndun Breiðafjarðar og tengsl við byggðaþróun. Aðalsteinn Óskarsson sviðsstjóri byggðaþróunar hjá Fjórðungssambandi Vestfirðinga kom inná fundinn og fór með bæjarráði. Arnheiður Jónsdóttir fulltrúi Vesturbyggðar í Breiðafjarðarnefnd sat fundinn undir liðnum.

Lagður fyrir til kynningar tölvupóstur frá dómsmálaráðuneytinu dags. 12.08.2021 þar sem farið er yfir greiðslu kostnaðar vegna fyrirhugaðra kosninga til Alþingis.