Bæjarráð #972

Stein Ove framkvæmdastjóri Arctic Fish kom inná fundinn að beiðni bæjarráðs og fór yfir málefni sem snúa að Arctic Fish, og þau vandamál sem komið hafa upp í sjókvíaeldi fyrirtækisins síðustu mánuði.

Bæjarráð leggur áherslu á að allir verkferlar fiskeldisfyrirtækja séu vandaðir, þeir séu í samræmi við lög og reglugerðir og farið eftir þeim. Skaðinn sem slysasleppingin sem átti sér stað Patreksfirði hefur haft neikvæð áhrif á samfélagið á sunnanverðum Vestfjörðum og leggur bæjarráð áherslu á að íbúar verði upplýstir um hvað fyrirtækið ætlar að gera til að koma í veg fyrir að atburðir sem slíkir endurtaki sig.

Bæjaráð leggur áherslu á að Arctic Fish vinni með sjálfbærni í forgangi í sátt við umhverfið og samfélagið. Bæjarráð leggur áherslu á að Arctic Fish bæti samskipti sín og upplýsingagjöf til stjórnenda sveitarfélagsins og íbúa svæðisins.

Lagt fram frumvarp að fjárhagsáætlun 2024 og 3 ára áætlun 2025-2027.

Bæjarráð vísar frumvarpi að fjárhagsáætlun 2024 ásamt 3 ára áætlun 2025-2027 til fyrri umræðu í bæjarstjórn miðvikudaginn 15. nóvember nk.

Lagðar fyrir gjaldskrár Vesturbyggðar fyrir árið 2024.

Fasteignaskattur A-flokkur 0,55%
Fasteignaskattur B-flokkur 1,32%
Fasteignaskattur C-flokkur 1,65%
Vatnsgjald íbúðarhúsnæði 0,28%
Vatnsgjald annað húsnæði 0,50%
Fráveitugjald íbúðarhúsnæði 0,28%
Fráveitugjald annað húsnæði 0,50%
Lóðaleiga íbúðarhúsnæði 1,00%
Lóðaleiga annað húsnæði 3,75%

Bæjarráð vísar gjaldskrám Vesturbyggðar til fyrri umræðu í bæjarstjórn.

Lagt fram til umræðu minnisblað bæjarstjóra, dags. 10. nóvember 2023, vegna áforma um hýsingu félagsstarf aldraðra í húsnæði Heilbrigðisstofnunar Vestfjarða á Patreksfirði.

Bæjarráð samþykkir að vinna áfram að uppbygging hjúkrunarrýma í Heilbrigðisstofnun Vestfjarða á Patreksfirði. Hins vegar sér sveitarfélagið ekki hag í því að flytja félagsstarf aldraðra í heilbrigðisstofnunina að svo stöddu.

Bæjarráð felur bæjarstjóra að funda með stjórn Vesturbotns ehf. um möguleika Vesturbotns ehf. á að koma að endurbótum á húsnæði félagsstarfsins í Selinu og bílskúr Selsins til að hægt sé að nýta hann undir vinnuaðstöðu fyrir eldri borgara.

Lögð fyrir endurskoðuð upplýsingastefna Vesturbyggðar.

Bæjarráð samþykkir framlagða upplýsingastefnu fyrir Vesturbyggð og felur bæjarstjóra að birta upplýsingastefnuna á heimasíðu sveitarfélagsins.

Lagður fram til kynningar tölvupóstur frá umhverfis-, orku-og loftlagsráðuneytinu dags. 1. nóvember sl. með ósk um umsögn um skýrslu um mat á þörf fyrir varnarvirki og viðbúnað vegna ofanflóðahættu á atvinnusvæðum á Íslandi.

Bæjarráð felur bæjarstjóra að senda inn umsögn um skýrsluna inn á samráðsgátt stjórnvalda innan tilskilins frests sem er 15. nóvember nk.

Niðurstaða á dómi í máli Vesturbyggðar gegn Arnarlax ehf. lögð fram til kynningar.

Bæjarráð felur bæjarstjóra að áfrýja dómnum til Landsréttar fyrir hönd Vesturbyggðar.

Lögð fram til kynningar umsókn Vesturbyggðar í framkvæmdasjóð ferðamannastaða 2023.

Lagður fram tölvupóstur frá allsherjar- og menntamálanefnd Alþingis dags. 26. október sl.með beiðni um umsögn um frumvarp til laga um breytingu á lögum um grunnskóla, nr. 91-2008 (kristinfræðikennsla).

Lagður fram tölvupóstur frá menningar- og viðskiptaráðuneyti dags. 2. nóvember sl. með ósk um umsögn um drög að reglugerð um breytingu á reglugerð nr. 162/2006 um gjaldtöku fyrirtækjaskrár, hlutafélagaskrár, samvinnufélagaskrár og almannaheillafélagaskrár.

Lagður fram tölvupóstur frá menningar- og viðskiptaráðuneytinu dags. 2. nóvember sl. með ósk um umsögn um fyrstu drög að aðgerðum í aðgerðaráætlun ferðamálastefnu 2030.

Lagður fram tölvupóstur frá dómsmálaráðuneyti dagsettur 01.nóvember sl. þar sem óskað er umsagnar um breytingar á réttarfarslöggjöf (miðlun og form gagna, fjarþinghöld og birting ákæru í stafrænu pósthólfi).

Lagður fram tölvupóstur frá dómsmálaráðuneyti dagsettur 01.nóvember sl. þar sem óskað er umsagnar um breytingu á lögum um aðför og lögum um nauðungarsölu (stafræn málsmeðferð).

Lagður fram tölvupóstur frá fjármála- og efnahagsráðuneytingu dags. 06. nóvember sl. með ósk um umsögn um frumvarp til laga um kílómetragjald vegna notkunar bifreiða (hreinorku- og tengiltvinnbifreiða).

Lagður fram tölvupóstur frá innviðaráðuneytinu dags. 6. nóvember sl. með ósk um umsögn um breytingar á skipulagslögum nr. 123/2010 (Tímabundnar uppbyggingarheimildir).

Lagður fram tölvupóstur frá félags- og vinnumarkaðsráðuneytinu dags. 7. nóvember sl með ósk um umsögn um áform um breytingar á lögum um réttindagæslu fyrir fatlað fólk.

Lagður fram tölvupóstur frá fjármála- og efnahagsráðuneytinu dags. 8. nóvember sl. með ósk um umsögn um reglugerð um flokkunarkerfi fyrir sjálfbærar fjárfestingar.

Lagt fram til kynningar yfirlit yfir seldar gistinætur í Vesturbyggð sumarið 2023.

Lagður fram tölvupóstur frá félags- og vinnumarkaðsráðuneytinu dags. 9. nóvember sl. með ósk um umsögn um landsáætlun um innleiðingu samnings Sameinuðu þjóðanna um réttindi fatlaðs fólks.

Lögð fram til kynnningar 935. fundargerð stjórnar Sambands íslenskra sveitarfélaga.

Lagður fram til kynningar tölvupóstur frá matvælaráðuneytinu dags. 25. október sl. með ósk um umsókn um drög að reglugerð um breytingu á reglugerð um veiðar með dragnót við Ísland.

Lagður fram til kynningar tölvupóstur frá umhverfis-, orku-og loftlagsráðuneytinu dags. 25. október sl. með ósk um umsögn um breytingu á reglugerð nr. 796-1999 um varnir gegn mengun vatns.

Langur fram tölvupóstur frá félags- og vinnumarkaðsráðuneytinu dags. 02.nóvember 2023 með ósk um umsögn um áform um frumvarp til laga um breytingu á lögum nr. 74/2020 um félagslegan viðbótarstuðning við aldraða (útvíkkun á gildissviði stuðnings).

Lagður fram tölvupóstur frá mennta- og barnamálaráðuneytinu dags. 01. nóvember sl. með ósk um umsögn um frumvarp til laga um breytingu á barnaverndarlögum nr. 80/2002 (endurgreiðslur).

Langur fram tölvupóstur frá fjármála- og efnahagsráðuneytinu dags. 06. nóvember sl. með ósk um umsögn um áform um breytingu á lögum um umhverfis- og auðlindaskatta nr. 129/2009 og lögum um vörugjald á ökutækjum, eldsneyti o.fl. nr. 29/199Á

Lögð fram til kynningar fundargerð 9. verkfundur milli Kubbs, Vesturbyggðar og Tálknafjarðarhrepps sem haldinn var 9. nóv 2023. Til aðgreiningar er viðbótartexti í nýjustu fundargerð bláletrað.
Í fundargerð er tillaga um gjaldskrárhækkun gámasvæða.
Skv. sorpsamþykkt Vesturbyggðar skal skv. 12gr. gjald innheimt skv. gjaldskrá sem sett er í samræmi við lög nr.55/2003 um meðhöndlun úrgangs og laga nr. 7/1998 um hollustuhætti og mengunarvarnir.
Sveitarfélagið skal birta gjaldskrá í B-deild Stjórnartíðinda.